Deri në muajin qershor 2026 stoku i numrit të shtetasve të huaj të punësuar në vend arriti në 22,6 mijë individë ...
AKTUALITET
"Frikë të auditojnë punën e Kryeministrit", kreu i KLSH: Një punonjës ma kërkoi mua ta bëja, u largua nga puna
PiranjatPërditësimi i fundit 29 Tetor 2025, 13:32
Arben Shehu ka zbuluar një episod shqetësues gjatë punës së Kontrollit të Lartë të Shtetit (KLSH), duke treguar se një auditues i institucionit është larguar nga detyra për shkak të pamundësisë për të komunikuar gjetjet e auditimit në Ministrinë e Jashtme, e drejtuar nga Gent Cakaj, direkt te Kryeministri, i cili sipas ligjit është përgjegjës për këtë sektor. Shehu tha se audituesi i kishte shprehur frikën për të ndarë këto gjetje me strukturat më të larta, për shkak të presionit dhe situatave të tjera. Në një letër që i ka dërguar më vonë, ish-audituesi është shprehur se do t’i drejtohet institucioneve ndërkombëtare për të mbështetur përpjekjet e KLSH për të audituar edhe punën e Kryeministrit. Ky rast ngre pikëpyetje serioze mbi lirinë dhe pavarësinë institucionale të audituesve në raport me ekzekutivin.
Arben Shehu: Një auditues më ka thënë se nuk është problemi për të komunikuar te ministri Cakaj gjetjet ne Ministrinë e Jashtme drejtuar prej tij, por mungesa e mundësisë për t’ia transmetuar keto gjetje Kryeministrit, sepse ai është përgjegjës për Punët e Jashtme. Për shkak të situatave të tjera, punonjesi i KLSH është larguar nga institucioni.
Më pas më ka dërguar një letër, ku shkruante se do t’iu drejtohej institucioneve ndërkombëtare për të më supertuar mua (Kryetarin e KLSH) për të audituar punën e kryeministrit, sepse ai nuk kishte mundësi ta bente kete për shkak të frikës.
