Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
AKTUALITET
SKANDAL/ Punimet për ''Korridorin VIII'' po gërryejnë lumin Shkumbin në fshatin Papër
PiranjatPërditësimi i fundit 15 Mars 2026, 20:51
Teksa lamë pas shembjen e rrugës në Dragostunjë, e cila penalizoi trafikun për ditë të tëra në aksin Librazhd-Prrenjas, duket se shteti nuk ka ndërmend të ndalë masakrën mjedisore.
Një denoncim ka mbërritur në redaksinë e Piranjave nga një banor i zonës së Elbasanit, i cili ngre shqetësimin për dëmtimin e lumit Shkumbin në fshatin e tij, si pasojë e punimeve për ndërtimin e autostradës Korridori VIII.
Sipas qytetarit, firmat që po punojnë për ndërtimin e autostradës kanë marrë masivisht zhavorr nga shtrati i lumit që kalon pranë fshatit.
Ai pretendon se nga ndërhyrjet e vazhdueshme është larguar pothuajse i gjithë materiali natyror i lumit, duke e lënë shtratin pa zhavorr dhe duke ndryshuar rrjedhën e ujit.
“Nuk kanë lënë më tokë pa marrë, e kanë zhveshur lumin nga gjithë zhavorri”, shprehet denoncuesi në mesazhin e dërguar në redaksi, duke kërkuar ndërhyrjen e institucioneve për të verifikuar situatën në terren.
Banorët e zonës kanë frikë se ndërhyrjet e tilla mund të sjellin pasoja në ekosistemin e lumit, si dhe rrezik për përmbytje apo dëmtime të tokave përreth, pasi ndryshimi i shtratit të lumit mund të ndikojë në rrjedhën natyrore të ujit./PiranjatNews
Denoncimi
mrb ju lutem te vin ne paper te Elbasanit te shikon vet se ca i bojn firemt qe bojn autostraden koridori 8 nje lumi qe kalon ne ket fshat ja moren gjith zavorrin nuk la mert tok pa gry lumi
