Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
AKTUALITET
'Skandali i parkingut 3.5 milionë euro'/ Inxhinieri: Berati nuk është Tirana, por Demo deshi të kopjonte Veliajn
PiranjatPërditësimi i fundit 24 Nëntor 2025, 09:53
Përmbytjet e fundit në qytetin e Beratit nuk kanë ardhur si pasojë e një fataliteti natyror, por janë rezultat i drejtpërdrejtë i investimeve të gabuara dhe pa kriter. Kështu deklaron inxhinieri Pavllo Shkarpa, në studion e 'Kafe Shqeto' i cili ka ngritur akuza ndaj autoriteteve vendore, duke vënë në qendër të kritikave një parking nëntokësor me vlerë 3.5 milionë euro, i ndërtuar në sheshin “Teodor Muzaka”.
Sipas inxhinierit, ky investim është shembulli më flagrant i keqmenaxhimit dhe injorimit të kushteve gjeografike të zonës.
“Gjithmonë kemi folur me ashpërsi ndaj këtyre investimeve,” shprehet ai, duke shtuar se projekti u realizua në qendër të qytetit, shumë pranë lumit Osum, një lumë i njohur për prurjet e tij të paparashikueshme dhe të rrezikshme gjatë reshjeve intensive.
Shkarpa kritikoi ish-kryebashkiakun Ervin Demo për përpjekjen për të imituar projekte të Tiranës pa marrë parasysh specifikat e Beratit.
“Berati është një qytet tjetër, nuk është si Tirana. Afër parkingut është lumi Osum, një lumë i pabesë,” thekson ai. Sipas tij, çdo ndërhyrje pranë lumit duhet të bëhej duke respektuar një parim të vjetër të beratësve: “Mos bëj asgjë pa pyetur lumin”.
Më tej, inxhinieri tha se pas përmbytjes së parkingut, autoritetet vendore ndaluan çdo filmim të situatës, në një përpjekje për të fshehur pasojat katastrofale të investimit.
Në analizën e tij, inxhinieri përmend dy kompani: firmën e Shkëlqim Beshirit, përgjegjëse për ndërtimin e parkingut, dhe kompaninë “Salillari”, e cila sipas tij është e përfshirë në infrastrukturën e vendit.
Ai shton se një projekt i detajuar për sistemimin e lumit Osum, i hartuar prej tij, është injoruar plotësisht nga autoritetet. Kjo neglizhencë, sipas Shkarpës, ka lënë qytetin të pambrojtur përballë fuqisë së natyrës, duke shkaktuar dëme që mund të ishin shmangur.
Deklarata e plotë:
"Atëherë, ne si inxhiniera dhe si qytetarë të këtij qyteti, si djemtë e atij qyteti, unë, inxhinier Xhevarin Gjuqani, Sazan Guri, gjithmonë kemi folur me ashpërsi ndaj këtyre investimeve që janë kryer në qytetin e Beratit, sidomos për atë parking që është bërë mu në qendër të sheshit Teodor Muzaka, një parking që i ka ngrënë gati rreth 3 milion e gjysëm euro dhe që u përmbyt, por bashkia dhe i gjithë autoriteti i pushtetit në në Berat nuk lejonte asnjë filmim dhe nuk lejonin asnjë kameraman apo individ të caktuar që të filmonte rreth asaj gjendje katastrofale që kishte ky parking.
E kemi thënë dhe e themi gjithmonë, Berati është një qytet me një reliev jo si Tirana, se ky i Beratit, ky Ervin Demo, donte të imitonte parkingun si e bëri Erion Veliaj në Tiranë.
Po Berati është një qytet tjetër, sepse afër parkingut është lumi Osum. Pra, po lumi Osum është një lumë prurës, është një lumë i pabesë kur intensiteti i rreshjeve është shumë i lartë.
Atëherë, në këtë aspekt, unë them gjithmonë dhe investimet kur bëhen në qytetin e Beratit, është një shprehje me Berat, e themi ne beratësit, pyet lumin. Mos bëj asgjë pa pyetur lumin.
Në çfarë kuptimi? Në kuptimin që lumi është një gjë që kur vjen nuk pyet se sa se sa gjëra merr përpara. Por lumi është një prurje këtë radhë e madhe, po jo e asaj viteve më përpara '62-shit.
Kuptohet, por prapë pasojat janë katastrofale, ashtu siç i shikoni dhe në medien tuaj.
Problemi është se këta bëjnë gjatë kohës së kësaj, e mendojnë lumin të thatë kur nuk ka prurje dhe bëjnë investime të palogjikshme. Këta nuk të pyesin fare. Këta nuk marrin asnjë vendim, këta mblidhen atje edhe mirë thotë, edhe dëgjova dhe një një tjetër që citonte gjë. Këta tenderat i bëjnë me me telefon.
Pra, në këtë kuptim, dy firma, e para, firmë që ishte e Shkëlqim Beshirit që bëri këtë parkingun që unë nuk e di sa miliona euro, se këta nuk të japin asnjë lloj informacioni dhe firma e dytë Salillari, pra, e tmerrshme që ndërton gjithë infrastrukturën në Shqipëri.
Këto firma që nuk e di çfarë çfarë çfarë pozicione kanë, tashmë kanë marrë dhe pozicione strategjike".
