Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Sot nis zyrtarisht fushata/ Delegacioni i OSBE-ODIHR takim në Prokurorinë e Përgjithshme, diskutojnë koordinimin e punës me SPAK dhe KQZ për monitorimin e zgjedhjeve
n.fPërditësimi i fundit 11 Prill 2025, 13:36
TIRANË- Delegacioni i OSBE-ODIHR ka zhvillur ditën e sotme takime në SPAK dhe Prokurorinë e Përgjithshme. Duke qenë se fushata elektorale nis sot zyrtarisht delegacioni ka filluar takimet me partitë politike e institucionet ligjzbatuese, me mision zgjedhjet e lira dhe të ndershme, si dhe ndëshkimin e çdo paligjshmërie.
Kreu i misionit, ambasadori Lamberto Zannier ishte në krye të delegacionit OSBE/ODHIR në takimin që ka zhvilluar sot në Prokurorinë e Përgjithshme. I pranishëm ishte edhe kreu i Prokurorisë së Përgjithshme, Olsian Çela.
Përmes një njoftimi Prokuroria e Përgjithshme theksoi se objekt i takimit ishte njohja e përfaqësuesve të Misionit me masat e marra nga Prokuroria e Përgjithshme në lidhje me hetimin e veprave penale në fushën e zgjedhjeve, si dhe mundësitë e mbështetjes së punës së Misionit nga prokuroritë e juridiksionit të përgjithshëm.
Në kuadër të zgjedhjeve parlamentare të 11 majit 2025, në të gjitha prokuroritë e juridiksionit të përgjithshëm, janë ngritur seksione të posaçme të përkohshme, me në krye drejtuesit e prokurorive, të cilat do të mbështeten edhe nga Policia e Shtetit me oficerë të policisë gjyqësore si dhe nga një forcë operacionale.
Gjithashtu, në bazë të marrëveshjeve të lidhura, puna do të koordinohet me Komisionin Qëndror të Zgjedhjeve dhe Prokurorinë e Posaçme, në drejtim të komunikimit të shpejtë të raportimeve mbi veprat penale, shkëmbimit të informacionit dhe koordinimit efikas të hetimeve.
