Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
“SPAK ka prekur sistemin e kriminalizuar”/ Gazetarja: Rama nuk shpëton pa shkuar në Prokurori! Ja ku gabuan prokurorët
PiranjatPërditësimi i fundit 16 Mars 2026, 22:13
Kryeministri Edi Rama nuk shpëton pa shkuar në SPAK në kuadër të hetimeve që po bëhen, duke iu referuar dy dosjeve të bujshme që treguan se si është kapur sistemi, AKSHI dhe “Balluku”.
Kështu u shpreh gazetarja Klodiana Lala, teka komentoi zhvillimet e fundit të drejtësisë dhe politikës, në mënyrë të kryqëzuar.
“Kryeministri Rama, jam në besim të palëkundur, se brenda SPAK ka prokurorë që nuk i ka kontrolluar dhe s’i kontrollon dot. Për herë të parë unë mendoj se SPAK ka prekur sistemin, për ta goditur dhe kthyer në normalitet. Rasti i parë është ai i AKSHI-t, ku tregonte lidhjet e politikës me grupet kriminale dhe krimin e organizuar. Në këtë rast SPAK preku tamam sistemin dhe tregoi për qytetarët se kemi një shtet të kriminalizuar, ku tenderat paracaktohen, qytetarët dhe biznesmenët rrëmbehen, se Ergys Agasi është njeriu që urdhëronte këto, Policia ishte e lidhur me krimin e organizuar. Dhe rasti i dytë që është serioz, është ai i zonjës Balluku”, tha ajo në panelin e “News 24”.
Dhe më tej argumentoi se dikur mendohej se drejtësia kontrollohej nga qeveria dhe kryeministri Rama, por tani SPAK ka shkuar në thelb të sistemit, e deri tek paradhoma e kryeministrit Edi Rama.
Lala ndau mendimin se SPAK gaboi në procedurën që ndoqi për hetimin dhe masat ndaj Ballukut, pasi duhet të shkonte që në fillim me kërkesë në Parlament, por sqaroi se kjo situatë erdhi për shkak se provat e reja për 11 tendera të rinj dolën më vonë.
“Askush nuk e besonte se SPAK do shkonte te Balluku, sepse është i Ramës, Por ja që SPAK shkoi te Balluku. Por që SPAK e bëri një gabim e pranoj dhe unë, duhet të vinte që në fillim në Parlament me kërkesën për imunitetin. Pra grupi i prokurorëve të shkonte drejtpërdrejtë dhe jo me faza. Në fillim kanë pasur vetëm një procedurë prokuruese hetimore, Tuneli i Llogarisë kurse më pas edhe lotin e Unazës së Madhe. Këqyrja e celularit të Evis Berberit u gjetën të dhëna për 11 procedurat tenderuese, pra dolën prova të reja, ndaj edhe prokurorët thanë se erdhëm sepse vepra është përsëritëse, në disa raste, vlera me miliona euro etj., etj.”, deklaroi gazetarja.
Në fund, Lala shpjegoi se SPAK tani ka nxjerrë zbuluar kriminalizimin e sistemit, lidhjet e ngushta të krimit dhe politikës, kurse për kryeministrin Rama shtoi se do të ishte shumë shpejt subjekt i drejtësisë dhe nuk do shpëtonte.
“SPAK na tregoi se sistemi është i kriminalizuar, se tenderët vendosen me celularë, ndahen prokurimet dhe menjëherë sapo doli kjo në pah, pati një reagim arbitrar nga kryeministri Rama ndaj gjyqtarëve dhe prokurorëve. Pse nuk është thirrur Rama? Unë mendoj se Rama nuk shpëton pa shkuar në SPAK dhe ky është qëndrim dhe nuk dua t’i shkoj më tej, por jam e bindur”, përfundoi gazetarja.
