Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
"SPAK u krijua për të goditur fenomenet që dëmtojnë shtetin", Dumani: Ka ende shumë punë për të çrrënjosur krimin e organizuar
r.llPërditësimi i fundit 18 Prill 2025, 11:44
altin dumani
DURRËS- Kryeprokurori i Prokurorisë së Posaçme, Altin Dumani ishte i pranishëm sot në Konferencën e 8-të Shkencore Ndërkombëtare të Fakultetit Juridik në Universitetin “Aleksandër Moisiu” në Durrës. Dumani u shpreh gjatë fjalës së tij para të pranishmëve, e Dumani e vlerësoi të rëndësishme marrëdhënien e SPAK që drejton me universitetet si vatra të dijes.
Ai tha se SPAK është krijuar për të goditur fenomenet që dëmtojnë shtetin. Kryeprokurori shtoi më tej se Prokuroria e Posaçme, është një produkt i reformës në drejtësi dhe ka treguar se ushtron të drejtën ndaj çdo subjekti. Dumani u shpreh gjithashtu se ka ende shumë punë për të çrrënjosur krimin e organizua. Ai tha se përpjekjet për ndërtimin e shtetit të së drejtës mund të jenë të njëanshme pa ndihmën dhe bashkëpunimin e shumë institucioneve.
"Kënaqësi të gjendem këtu. Larmia e temave është tërheqëse, por qenia ime sot këtu është në vazhdën e takimeve të organizuara edhe në universitete të tjera për të vazhduar komunikimin tonë ndërinstitucional. Besimi dhe drejtësia janë elementë të rëndësishëm; pa drejtësi nuk mund të ketë paqe dhe pa llogaridhënie nuk mund të ketë demokraci. Reforma në drejtësi u realizua me ndryshimet thelbësore kushtetuese. SPAK u krijua për të goditur fenomenet që dëmtojnë shtetin. SPAK është një ndër produktet e reformës në drejtësi dhe ka treguar se ushtron të drejtën ndaj çdo subjekti, pavarësisht lidhjeve me botën e krimit të organizuar apo të objekteve të caktuara. Jemi të vetëdijshëm që ka shumë punë ende për të çrrënjosur krimin e organizuar. Dëshiroj të theksoj se përpjekjet për ndërtimin e një sistemi drejtësie të paanshëm nuk mund të jenë të njëanshme pa ndihmën e shumë institucioneve në bashkëpunim.", u shpreh Dumani.
