Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
"S’po gjejmë qetësi", qytetarja denoncon punimet me mjete të rënda deri në mesnatë: Brenda një viti janë hapur tre gropa për pallate!
n.fPërditësimi i fundit 19 Prill 2025, 07:44
Pamje nga vendngjarja
TIRANË- Një qytetare nga Tirana ka denoncuar një situatë e cila prej rreth një viti shqetëson banorët te rruga e Dibrës. Qytetarja thekson se në vendin ku ajo banon po zhvillohen prej kohësh punime ndërtimi me mjete të rënda. Ajo shton se brenda një harku kohor 1-vjeçar janë hapur tre gropa për ndërtime pallatesh njëra pas tjetrës.
Ajo shprehet se zhurmat nga makineritë e rënda janë të padurueshme, sidomos në mbrëmje, pasi punimet vazhdojnë deri në mesnatë. Qytetarja thekson se punimet shqetësojnë familjarët pasi janë zhurma të mëdha deri në mesanate. Denoncuesja thotë se pavarësisht situatës që ka zgjatur gjatë gjithë vitit, nuk është marrë asnjë masë nga policia apo autoritetet përkatëse.
“Tek rruga e Dibrës, çdo ditë deri në mesnatë punohet. Jemi me fëmijë të vegjël dhe dëgjohet gjithçka! Çfarë bën policia për prishjen e qetësisë publike? Brenda një viti janë hapur tre gropa për pallate. S’po gjejmë qetësi! Njëra pas tjetrës, s’është marrë asnjë masë. Pushon një ditë, fillojnë prapë. Tani që flasim, vazhdojnë akoma! Vetëm nëse unë s’kam dijeni që ka ndonjë ligj që i lejon të punojnë deri natën. Ndërkohë, për të ngulur një gozhdë në mur të shtëpisë, s’të lënë të punosh pas orës 4!,” shkruan ajo.
