Takimi i PD në Londër/ Berisha futet LIVE, salla shpërthen në brohorima: Nëse nuk votoni me postë, ejani në Shqipëri

TIRANË- Kryedemokrati, Sali Berisha iu bashkua me anë të në një lidhje drejtpërdrejt takimit të PD-së me shqiptarët e diasporës në Londër të Britanisë së Madhe, ku të pranishmit shpërthyen në brohorima dhe entuziazëm. Gjatë fjalës së tij, Berisha vlerësoi angazhimin e shqiptarëve të diasporës për zgjedhjet në 11 maj, duke kukuar që vota e tyre të jetë një votë kundër narkoregjimit të Edi Ramës.

Berisha pati një thirrje edhe për shqiptarët që nuk arritën të regjistroheshin për të votuar me postë në 11 maj, që të vijnë në Shqipëri për të hedhur votën e tyre kuti.

"Përshëndetje të përzemërta! Të dashur demokrate e demokratë! Ju përshëndes në mënyrën më të përzemërt. Të gjithë shqiptarët në Londër, demokratët në Londër, Britani e kudo që janë. Shpreh mirënjohjen më të pakufishme. Ky është viti juaj, është viti i diasporës. Ju ftoj që këtë entuziazëm këtë energji ta shndërrojmë në votë kundër narkoqeverisë në Shqipëri. Ju vajzat e diasporës, të ktheheni sa më parë në Shqipëri. 5 vite pa asnjë taksë. Kredi të buta për biznesin dhe strehimin. Do bëjmë gjithçka që Shqipëria të ngrihet në shtëpinë e ëndrrave.

Entuziazmi juaj është frymëzim për shqiptarët kudo që janë. Ndaj dhe u bëj thirrje të bëni çdo gjë, të bisedoni me çdo njeri që është regjistruar për votim që të votojnë për Shqipërinë Madhështore. Të votojnë për Shqipërinë nga e cila nuk do largohen bijtë dhe bijat e saj por do ndërtojnë aty ëndrat e tyre më të bukura. Ju ftoj të bisedoni me çdo shqiptar që ka regjistruar emrin dhe të bashkohet për të larguar këtë të keqe të madhe nga Shqipëria. Për të gjithë ju që nuk jeni regjistruar dot, ju ftoj të bëni çdo përpjekje për t’ju gjendur vendit tuaj në 11 maj. Zoti u bekoftë ju, Zoti e bekoftë Shqipërinë," tha Berisha.