Tentoi të blinte me karta virtuale të rreme, ndalohet i riu në Tiranë

foto ilustruese

TIRANË- Ndalohet një 25-vjeçar në Tiranë. Mësohet se L.G 25 vjeç me banim në Francë, përmes kartave virtuale ka tentuar të bëjë blerje dhe të kryejë pagesa, në intitucione të ndryshme financiare gjatë qëndrimit në kryeqytet.

Për pasojë janë sekuestruar 1 automjet, 2 celularë, 1 laptop dhe 420 euro. Ndaj të riut rëndon akuza për veprën penale “Mashtrimi kompjuterik”.

Njoftimi i Policisë:

Seksioni për Hetimin e Mashtrimeve Kibernetike, në bashkëpunim me Forcën e Posaçme për Operacionet Speciale dhe Kërkimin dhe Sektorin e Forcës së Posaçme “Shqiponja”, pas një pune të mirëfilltë hetimore, ka organizuar dhe finalizuar operacionin policor të koduar “Virtual shade”.

Gjatë këtij operacioni është ndaluar shtetasi L. G., 25 vjeç, banues në Francë, për veprën penale “Mashtrimi kompjuterik”, parashikuar nga neni 143/b i Kodit Penal.

Nga veprimet hetimore dyshohet se ky shtetas, gjatë qëndrimit në qytetin e Tiranës, nëpërmjet kartave virtuale, ka tentuar të bëjë blerje dhe të kryejë pagesa të ndryshme, në intitucione të ndryshme financiare që operojnë vendin tonë.

Në cilësinë e provës materiale janë sekuestruar 1 automjet, 2 celularë, 1 lap-top dhe 420 euro.

Vijon puna për identifikimin e shtetasve të tjerë të implikuar në këtë veprimtari kriminale.

Materialet i kaluan Prokurorisë, për veprime të mëtejshme.

karta mashtrim