Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
AKTUALITET
Tentoi të fuste kontrabandë steka me cigare dhe produkte ushqimore/ Arrestohet 48-vjeçari në Pikën e Kalimit Kufitar Kapshticë
m.lPërditësimi i fundit 31 Maj 2025, 12:19
KORÇË- Një 48-vjeçar është arrestuar ditën e sotme pasi ka tentuar të fus kontrabandë në vendin tonë dhjetëra steka cigaresh dhe produkte ushqimore. Mësohet se gjatë kontrollit në Pikën e Kalimit Kufitar Kapshticë, iu gjetën dhe sekuestruan 32 steka me cigare dhe disa produkte ushqimore, të cilat ishin të fshehura në automjet.
NJOFTIMI I POLICISË:
Kapshticë, Korçë/ Tentoi të fuste kontrabandë në Shqipëri dhjetëra steka cigaresh dhe produkte ushqimore, kapet në flagrancë dhe arrestohet 48-vjeçari. Sekuestrohen mallrat e futura kontrabandë, të fshehura në automjetin që drejtonte. Si rezultat i kontrolleve të shtuara, në hyrje të Republikës së Shqipërisë, në Pikën e Kalimit Kufitar Kapshticë, shërbimet e Policisë Kufitare kaluan në vijë të dytë për kontroll të detajuar një automjet me drejtues shtetasin S. L., 48 vjeç, banues në fshatin Plug, Lushnjë.
Gjatë kontrollit të ushtruar në automjet, u konstatuan të fshehura 32 steka me cigare dhe disa produkte ushqimore, të cilat shtetasi S. L. tentonte t’i fuste në Shqipëri pa i deklaruar, në kundërshtim me ligjin. Në përfundim të veprimeve procedurale, specialistët për Hetimin e Krimeve të Drejtorisë Vendore për Kufirin dhe Migracionin Korçë arrestuan në flagrancë shtetasin S. L., për veprën penale “Kontrabanda me mallra që paguajnë akcizë”. Mallrat e konstatuara u sekuestruan në cilësinë e provës materiale. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
