Tentoi të kontrabandonte mbi 400 litra karburant nga Maqedonia e Veriut/ Arrestohet 54-vjeçari në Dibër

DIBËR- Një 54-vjeçar është arrestuar ditën e sotme në Dibër pas tentoi të kontrabandonte nga Maqedonia e Veriut 412 litra karburant. Mësohet se pas kontrolllit te automjetit tip 'Benz' të autorit me inicialet P.Ç, policia ka gjetur 17 bidonë të mbushur me benzinë dhe naftë, që synoheshin të futeshin në vendin tonë pa i deklaruar. Mbi të arrestuarin rëndon vepra penale 'kontrabandë me mallra që paguhet akcizë'.  

Shërbimet e Komisariatit të Policisë Kufitare Dibër, në vijim të monitorimit të kufirit dhe kontrollit të imtësishëm, me qëllim parandalimin dhe goditjen e krimeve ndërkufitare, kanë bërë të mundur goditjen e një rasti të tentativës për të kontrabanduar në Shqipëri, mallra për të cilat paguhet akcizë.

Shërbimet e Policisë Kufitare Bllatë, në hyrje të RSh-së, kanë ndaluar për kontroll automjetin tip "Benz", me drejtues shtetasin P. Ç., në të cilin u gjetën 17 bidonë të mbushur me 412 litra benzinë dhe naftë, që ky shtetas po tentonte t’i fuste në vendin tonë, pa i deklaruar.    

Sasia e karburantit u sekuestrua në cilësinë e provës materiale, bashku me automjetin, ndërsa drejtuesi i tij, shtetasi P. Ç., 54 vjeç, banues në Tiranë, u arrestua në flagrancë për veprën penale “Kontrabandë me mallra që paguhet akcizë”. 

Materialet procedurale iu referuan Prokurorisë pranë Gjykatës së  Shkallës së Parë të Juridiksionit të Përgjithshëm Dibër, për veprime të mëtejshme.