Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
Tentoi t’u arratisej “Shqiponjave”/ Arrestohet pas ndjekjes si në filma autori që përplasi makinat në Sauk
PiranjatPërditësimi i fundit 5 Tetor 2025, 13:24
Një ngjarje e rëndë ndodhi këtë të dielë në Sauk, ku një person përplasi me makinë automjete të tjera, duke plagosur disa persona.
Personi në fjalë mësohet se nuk i është përgjigjur patrullës së “Shqiponjave” për të ndaluar, duke u larguar.
Policia e ka ndjekur për ta ndaluar dhe gjatë ndjekjes ai ka përplasur disa makina, mes të cilëve edhe motorin e një polici që është në gjendje të rëndë për jetën, që po udhëtonte me gruan e tij dhe ka dëmtuar disa makina.
31-vjeçari është kapur në zonën e Liqenit të Thatë dhe gjatë kontrollit i është gjetur një armë.
Njoftimi i policisë:
Tiranë/Informacion paraprak Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri. Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital. Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë. Infomacion më të detajuar do të jepet në përfundim të veprimeve proceduriale.
