Tërhoqi 1.5 milionë lekë nga llogaria bankare e të vëllait, kartën ia mori të ëmës përmes mashtrimit, arrestohet 33-vjeçari në Elbasan

foto ilustruese

ELBASAN- Arrestohet një 33-vjeçar në Elbasan. Mësohet se 33-vjeçari K.M kishte tërhequr 1,500,000 lekë nga llogaria bankare e vëllait të tij ku kartën ia kshte marrë nënës së tyre përmes mashtrimit.

33-vjeçari akuzohet për kryerjen e veprës penale "Mashtrimi", me pasoja të rënda.

Njoftimi i Policisë:

Elbasan/Finalizohet operacioni policor i koduar "Cash". 

Përvetësoi 1 500 000 lekë që i tërhoqi nga llogaria bankare e vëllait të tij, me kartën që e siguroi me anë të mashtrimit, identifikohet, kapet dhe vihet në pranga 33-vjeçari. 

Specialistët për Hetimin e Krimeve Ekonomike dhe Financiare të DVP Elbasan, si rezultat i veprimeve intensive hetimore të kryera në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, menjëherë pas administrimit të një kallëzimi të depozituar më datë 01.07.2024, për një rast të mashtrimit, kanë finalizuar operacionin policor të koduar “Cash”.

Në kuadër të këtij operacioni u bë identifikimi, kapja dhe ndalimi i shtetasit K. M., 33 vjeç, banues në Elbasan.  

Prokuroria e Elbasanit, më datë 17.07.2024, ka lëshuar urdhër ndalimi për këtë shtetas, pasi dyshohet se gjatë muajit qershor 2024, ka tërhequr shumën 1 500 000 lekë, nga llogaria bankare e vëllait të tij, me kartën të cilën ia kishte marrë nënës së tyre, me anë të mashtrimit.     

Materialet procedurale i kaluan Prokurorisë, për veprime të mëtejshme, për veprën penale "Mashtrimi", me pasoja të rënda.

elbasan vjedhje