Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Trafikimi i armëve drejt Britanisë së Madhe, "The Sun": Do t’i dërgoheshin bandave shqiptare, trafikoheshin nga një grup në Tropojë me lidhje në Londër!
n.fPërditësimi i fundit 3 Gusht 2024, 12:21
Arme
TIRANË- Një sasi e madhe armësh e destinuar për në Britani është sekuestruar pasi policia shkatërroi një bandë që merrej me trafik armësh. Pistoleta Glock me gjuajtje të shpejtë dhe një pushkë kallashnikovi ishin midis 25 armëve të zjarrit të gjetura në Shqipëri, shkruan The Sun.
Armët dhe qindra fishekë ishin caktuar për t’u dërguar bandave shqiptare në Britani, të cilat po bëjnë një luftë në terren për drogën dhe prostitucionin në Londër. Policia e Shtetit Shqiptar shkruan The Sun, gjeti armët duke u përgatitur për dërgesë kur policët e maskuar dhe të armatosur sulmuan një pronë në një periferi të kryeqytetit Tiranë të enjten.
Policia shqiptare që punon me Agjencinë Kombëtare të Krimit të Mbretërisë së Bashkuar bëri pesë arrestime ndërsa hetimet vazhduan pas zbulimit të ruajtjes së armëve këtë javë.
Urdhër-arrestet u lëshuan për tre të tjerë ende të lirë në MB me lidhje me bandën. Tre shqiptarë të moshës 21, 44 dhe 62 vjeç janë akuzuar për kontrabandë ndërkombëtare të armëve. NCA punoi me Prokurorin e Posaçëm të Shqipërisë kundër Korrupsionit dhe Krimit të Organizuar. Hetimi i tyre u përqëndrua në rajonin e Tropojës të rrënuar nga krimi, në veri të Shqipërisë, shkruan më tej The Sun.
Britanikja shkruan se që nga fundi i viteve 1990, bandat nga Tropoja janë aktivizuar në komunitetet shqiptare në lagjet e Londrës Lindore dhe Juglindore të Ëoolëich, Stratford dhe Barking. Mafiozët e përfshirë në prostitucion, kontrabandë kokaine dhe ferma kanabisi dyshohet se do të rrisin fuqinë e tyre të armëve për të paralajmëruar rivalët.
Ervin Karamuço, profesor i kriminologjisë në Universitetin Shtetëror të Tiranës, citon The Sun, tha: “Grupet kriminale në Shqipëri kanë krijuar një arsenal armësh dhe aksesorësh modernë për të furnizuar bashkëpunëtorët e tyre në MB. Armët janë të siguruara në Turqi dhe në tregun ilegal serb dhe mund të ishin përdorur nga kushdo – përfshirë terroristët”.
