Me vendim të Gjykatës së Lezhës, forcat e policisë kanë ushtruar kontrolle në pesë banesa të pjesëtarëv...
AKTUALITET
EMRAT/ Trafikonin armë zjarri, arrestohen dy persona
PiranjatPërditësimi i fundit 13 Mars 2026, 09:00
Në pikën kufitare Morinë, policia ka arrestuar një 38-vjeçar pasi tentoi të trafikonte një armë zjarri dhe një automjet, të cilin e kishte vjedhur në Gjermani. Po ashtu, është arrestuar edhe personi, për të cilin ishin kryer këto veprimtari kriminale.
Në pranga ranë Muhamet Pira, 38 vjeç, dhe Halit Asllani, 34 vjeç, të dy banues në Prishtinë. Ndërkohë janë sekuestruar arma e zjarrit (pistoletë) me municion luftarak, automjeti tip BMW, si dhe automjeti bashkë me rimorkion, me të cilin transportohej automjeti tip BMW.
“Si rezultat i verifikimeve dhe kontrolleve të detajuara të kryera në hyrje/dalje të Republikës së Shqipërisë, në bazë të analizës së riskut dhe punës operative, shërbimet e Policisë Kufitare të PKK Morinë finalizuan operacionin e koduar “JAD 1”.
Gjatë operacionit u vunë në pranga shtetasit M. P., 38 vjeç dhe H. A., 34 vjeç, të dy banues në Prishtinë.
Në hyrje të Republikës së Shqipërisë është paraqitur shtetasi M. P. që drejtonte një automjet tip “Tuareg”, në të cilin kishte rimorkuar një automjet tip “BMW” që nga verifikimet rezultoi i vjedhur në Gjermani.
Nga kontrolli i imtësishëm, në automjetin tip “BMË”, u gjet 1 armë zjarri (pistoletë).
Në vijim të hetimeve të thelluara të kryera për këtë rast, është mundësuar identifikimi dhe arrestimi i shtetasit për llogari të të cilit ishin kryer këto veprimtari kriminale, H. A.”, thuhet në njoftimin e policisë.
Materialet procedurale iu referuan Prokurorisë së Kukësit, për veprime të mëtejshme.
