Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
AKTUALITET
Verdho: Në vitin 2025 do mbarojë hekurudha/ Treni na iku përsëri, shtyrje punimesh dhe afate të shkelura
PiranjatPërditësimi i fundit 9 Shkurt 2026, 13:09
Treni i shumëpremtuar Tiranë-Durrës duket ende një ëndërr e madhe, teksa punimet vetëm shtyhen vit pas viti dhe askush nuk jep asnjë përgjigje pse nuk janë zbatuar kontratat.
Kryeministri nga ana tjetër ju premton studentëve që të shohin si variant për të jetuar qytetin e Durrësit, por se kur do të jetë i mundur treni Tiranë-Durrës askush nuk e di.
Në kohën e komunizmit shqipëria arriti të kishte akses në hekurudha dhe trena ndërsa teksa sot që flasim modernizimi është shumë fish më i lartë dhe treni duket ende shumë larg.
Vetë ish-drejtori i hekurudhës Ergys Verdho deklaratone se punimet do të mbaronin brenda vitit 2025, por sot jemi në shkurtin e vitit 2026 dhe asgjë nuk ka mbaruar.
VIDEO
Ergys Verdho: 2025 do datojë përfundimin e këtij projekti kaq të nevojshëm për infrastrukturën hekurudhore.
Por ndërkohë që afatet vetëm shtyhen askush nuk penalizohet për moszbatimin e asaj që është firmosur në letra.
Piranjat News po ashtu kanë vëzhguar dhe shpalljen e tenderit ndërkombëtar të rehabilitimit të linjës hekurudhore Tiranë-Durrës dhe ndërtimin e linjës hekurudhore deri në aeroportin “Nënë Tereza” u bë në 11 qershor 2019, në faqen online të Bankës Europiane për Rindërtim dhe Zhvillim (BERZH).
Në fazën finale të tenderit, do të merrnin pjesë tre kompani “STS-KALPATARU (KPTL) J.V”, “SINOHYDRO- EEB J.V.A” dhe kompania italiane “INC S.P.A”.
Tenderi do të fitohej nga kjo e fundit me ofertën pasi paraqiti ofertën më të ulët prej 69.6 milionë eurosh, teksa dy kompanitë e tjera u skualifikuan pasi kishin oferta të njëjtë me njëra-tjetrën në vlerë 92.2 milionë euro.
Por gara ndërkombëtare, për këtë kontratë publike dhe monitorimi i investimeve nga BERZH, Bashkimi Europian dhe nga qeveria shqiptare, nuk dhanë dot garancinë se ky projekt publik do të realizohej dhe inagurohej brenda verës së vitit 2023.
Gjithashtu me kërkesë të autoriteteve shqiptare, përfituan pa garë një vlerë të konsiderueshme monetare, me justifikimin se ishin rritur çmimet dhe kostoja e punës, shumë që qeveria e siguroi sërish përmes një huaje nga BERZH-i.
Sipas të dhënave nga BERZH-i, ky projekt parashikon rehabilitimin e 34.7 km të hekurudhës Tiranë-Durrës dhe ndërtimin e 5.4 km deri në aeroportin e Rinasit. Ai është pjesë e rrugës së dytë të rrjetit kryesor të Ballkanit Perëndimor, që lidh qytetet e Podgoricës në Mal të Zi dhe të Vlorës në Shqipëri.
Sipas BERZH-it, projekti do të mbështesë zhvillimin ekonomik të Shqipërisë dhe do të kontribuojë në integrimin e vendit, duke fuqizuar lidhjen e qyteteve më të rëndësishme me Portin e Durrësit dhe aeroportin “Nënë Tereza”.
Në njoftim, BERZH shkruan se i ka dhënë hua qeverisë shqiptare në vlerën 77.5 milionë euro për realizimin e këtij projekti me kosto totale 140.8 milionë euro.
Sipas “INA MEDIA”, për tejkalimin e afateve në përfundimin e punimeve të hekurudhës Tiranë-Rinas-Durrës nuk raportohen penalizime për askënd, ndërkohë që shoqëria italiane INC S.P.A. ka përfituar fonde shtesë pa garë, me argumentin se janë rritur çmimet dhe kostot e punës./Piranjat News
