Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
AKTUALITET
U aksidentua bashkë me të vëllanë një natë më parë, nis procedimi penal ndaj 17-vjeçarit që drejtonte automjetin
PiranjatPërditësimi i fundit 5 Tetor 2025, 08:54
Një aksident ka ndodhur në aksin rrugor "Kosmaç - Vau i Dejës", ku si pasojë e humbjes së kontrollit mbi drejtimin e automjetit, dy të rinj, vëllezër me njëri-tjetrin, janë plagosur. Sipas informacioneve nga blutë e Shkodrës, 17-vjeçari, i cili drejtonte automjetin, ka dalë nga rruga dhe është përplasur me murin rrethues të një banese.
Pas aksidentit, të rinjtë janë dërguar për mjekim në spitale të ndryshme. 17-vjeçari është transportuar në Spitalin e Traumës në Tiranë për trajtim më të specializuar, ndërsa vëllai i tij, 23-vjeçari F.G., është shtruar në Spitalin Rajonal Shkodër, ku ndodhet jashtë rrezikut për jetën.
Mësohet se ndaj 17-vjeçarit, i cili edh drejtomte automjetin, janë referuar materialet në prokurori dhe ka nisur procedimi penal.
Njoftimi i policisë:
Në vijim të informacionit paraprak të dhënë mbrëmë, për aksidentin në aksin rrugor “Kosmaç - Vau i Dejës”, informojmë se specialistët e Sektorit të Qarkullimit Rrugor kanë referuar materialet në Prokurori, ku është nisur procedimi penal për të miturin 17-vjeçar, pasi, duke drejtuar një automjet, dyshohet se ka humbur kontrollin mbi drejtimin e tij dhe ka dalë nga rruga, duke u përplasur me murin rrethues të një banese.
Si pasojë, janë dëmtuar 17-vjeçari, i cili u dërgua në Spitalin e Traumës Tiranë për mjekim më të specializuar, dhe vëllai i tij, shtetasi F. G., 23 vjeç, i cili ndodhet në Spitalin Rajonal Shkodër, jashtë rrezikut për jetën.
