Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
AKTUALITET
U arrestua nën dyshimet se mori pjesë në vrasjen e Fatbardh Liçit, kush është e dashura "Miss dhe biznesmene" e Safet Bajrit
PiranjatPërditësimi i fundit 13 Mars 2025, 21:25
SHKODRA- E dashura e Safet Bajrit, Eria Ago është arrestuar pasi dyshohet se ka qenë e përfshirë në vrasjen e Fatbardh Licit në gusht të 2018 në Shkodër. Fillimisht u raportua se ajo është pronare e një dyqani në “Myslym Shyr”, por në botën e spektaklit ajo njihet dhe si modele dhe përfaqësuese e Shqipërisë në “Miss Tourism Quin” 2013.
Ish-miss-i akuzohet nga SPAK për përkrahjen e autorit të krimit dhe është vendosur në pranga që më datë 26 shkurt ndërsa akutalisht raportohet se ndodhet në burgun e grave në Pogradec. Por përfshirja e saj në problemet me drejtësinë daton dhe më herët.
Ago është përmendur edhe në përgjimet që çuan në burg Hermes Nikajn, i njohur ndryshe si “Zogu i Tiranës” si të përfshirë në një rrjet prositucioni. Në vitin 2020, përgjimet e Nikajt, kanë nxjerrë në skenë edhe emra të njohur të showbiz-it shqiptar. Një nga protagonistet në këtë rrjet prositucioni ishte edhe ish-missi, Eria Ago.
Në përgjime, Ago kërkohet nga Anjeza Bena për të kryer marrëdhënie intime me mesazhet që përcilleshin përmes “Zogut të Tiranës”. Ago përcaktohej në komunikime si “E”. Vetë Eria Ago reagoi e revoltuar në atë kohë duke thënë se nuk kishte asnjë lidhje me ngjarjen. Nëpërmjet një postimi në rrjetet sociale ajo pretendonte se e gjitha ishte shpifje për të hedhur baltë mbi figurën e saj dhe se nuk kishte nevojë për para.
Pjesë nga dosja hetimore ku përfshihet ish-miss-i:
Më datë 10 Gusht 2018, në orët e para të mëngjesit, Safet Bajri (Rustemi), Astmer Bilali dhe E.A., e dashura e Safet Bajrit janë nisur drejt Shkodrës me dy automjete, njëri i markës ‘Benz’ me targë AA 989 TE, në përdorim të Safet Rustemit dhe tjetri i markës ‘Volkswagen’ me targë AA 383 PN, në përdorim të Denis Brajoviq.
Pasi kanë mbërritur në Shkodër, Safet Bajri dhe Astmer Bilali, kanë zbritur nga makinat e tyre dhe kanë përdorur një automjet të vjedhur të markës ‘Benz’ ngjyrë gri, me targa AA 760 FX. Automjet me të cilin janë afruar tek vendi ku ndodhej lokali me qira i shtetasit Sokol Lici, këtu ku pothuajse çdo ditë, në të njëjtën orë shkonte dhe pinte kafen vëllai i tij, viktima Fatbardh Lici, që është njëkohësisht edhe xhaxhai i Ibrahim Licit.
Pasi kanë parë që viktima ka qenë i ulur jashtë lokalit, automjeti është afruar pranë tij. Këtu nga dera e pasagjerit ka zbritur, dyshohet Astmer Bilali, i cili ka qëlluar me armë zjarri në drejtim të tij, duke e lënë atë të vdekur.
