Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
"U dëgjuan shpërthime fishekzjarresh për kamuflim!" Vrasja e biznesmenit në Tiranë/ Bashkëshortja e viktimës nuk e kuptoi se ishte qëlluar me plumb, arma dyshohet të jetë prodhim i viteve të fundit
M.B.Përditësimi i fundit 15 Nëntor 2024, 11:23
TIRANA- Të tjera detaje vijojnë të dalin nga vrasja e biznesmenit 52-vjeçar Eduart Reçi para dy ditësh në Tiranë teksa mësohet se në momentin që ndodhi atentati janë dëgjuar shpërthime fishekzjarresh në distancë të afërt, të cilat dyshohet se janë përdorur për të kamufluar të shtënat e armës.
Gjithashtu bëhet me dije se viktima ka qenë në sheshin e pallatit me bashkëshorten duke pastruar ambientin poshtë, dhe ka hyrë e dalë disa herë në pallat. Sipas informacioneve, në një moment që ka dal jashtë dhe kur zhurma e fishekzjarreve kishte nisur, Eduart Reçi është rrëzuar dhe ka rënë në tokë. Bashkëshortja e tij fillimisht ka menduar se ai është lënduar në kokë nga fishekzjarret duke mos kuptuar se ishte plumb.
Nga hetimet e deri tanishme dyshohet se distanca nga është qëlluar mund të jetë nga 20 deri ne 30 metra, por akoma e papërcaktuar se nga çfarë arme, dyshohet ndonjë prodhim i viteve të fundit dhe i panjohur. Ndërkohë, kamerat e sigurisë po këqyren në distancë, edhe për ditët para ngjarjes për të parë lëvizje të dyshimta të personave që dyshohet ta kenë ruajtur.
