U denoncua nga Piranjat, policia procedon drejtorin e shkollës që u hodhi ushqimin në tokë nxënësve

Pas publikimit të rastit të shkollës  “Maarif Elbasan Campus”, ku drejtori Fatih Konuksever, siç pretendohej edhe në pamjet filmike, u merre ushqimin nga duart nxënësve dhe e hidhte në mënyrë të papërshtatshme, policia e Elbasanit e ka proceduar në gjendje të lirë.

Gjithashtu policia ka referuar materialet në Prokurori për drejtorin Fatih Konuksever.

Njoftimi i policisë

Specialistët për Hetimin e Krimeve të Komisariatit të Policisë Elbasan referuan materialet në Prokurori, ku nisi procedimi në gjendje të lirë për:

-shtetasin F. K., 49 vjeç, për veprat penale “Keqtrajtimi i të miturve” dhe “Fyerja”, pasi shfaqet në një video të publikuar në një portal, duke shtyrë fizikisht, nxënës të shkollës private që drejton, si dhe duke hedhur produktet ushqimore që nxënësit kishin blerë për t’i konsumuar.