Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Gjykata e Posaçme e Apelit ka liruar nga qelia Embro Sulejmanin, i akuzuar se ka ndihmuar biznesmenin Ergys Agasi gjatë kohës që ky i fun...
AKTUALITET
U kap me 70 mijë euro kokainë pas lëvizjeve të dyshimta në parking, 32-vjeçari shqiptar “qep” gojën në gjykatë!
PiranjatPërditësimi i fundit 3 September 2026, 21:56
33-vjeçari shqiptar i arrestuar nga policia për posedimin e rreth tre kilogramëve kokainë do të qëndrojë bë burg. Kështu ka vendosur gjyqtari i Gjykatës së Frosinones pas seancës për vleftësimin e arrestimit. I arrestuari, me origjinë shqiptare dhe 33 vjeç, mbrohet nga avokati Marco Maietta. Ai u ndalua gjatë një operacioni të zhvilluar nga Skuadra Mobile e Frosinones.
Sipas akuzës, gjatë kontrollit fizik, efektivët i gjetën dhe sekuestruan dy qese që përmbanin rreth dy kilogramë kokainë të pastër. Ndërsa në automjet, në një ndarje të fshehtë të bagazhit, u gjet edhe një kilogram tjetër e së njëjtës lëndë, si dhe 2.790 euro në para të gatshme.
Në total, policia sekuestroi 3.169 gramë drogë.
Vëmendjen e efektivëve të Skuadrës Mobile e tërhoqi fakti se shqiptari po lëvizte në parkingun e spitalit mes dy automjeteve të parkuara, të cilat rezultonin në emër të një personi të tretë me precedentë penalë. Bëhej fjalë për një Lancia Y dhe një Renault Clio.
33-vjeçari u duk se po kontrollonte të dyja automjetet, ndërsa, sipas rindërtimit të hetuesve, mund të ishte duke pritur të takonte dikë, me shumë gjasa blerësin e drogës, e cila më pas do të shpërndahej në tregun me pakicë në Frosinone dhe provincën përreth.
Të dyshuar nga lëvizjet e tij të vazhdueshme nga një automjet në tjetrin, efektivët vendosën ta kontrollonin. Gjatë kontrollit, ata gjetën lëndën narkotike, e cila ishte e shënuar me dy mbishkrime të ndryshme që u referoheshin, përkatësisht, një futbollisti dhe një marke të famshme automjetesh: "Leao" dhe "Aston Martin".
Dyshohet se shqiptari, i cili banon në Romë, kishte mbërritur në Frosinone së bashku me një person tjetër. Prania e dy automjeteve ka bërë që hetuesit të përqendrojnë vëmendjen edhe te identifikimi i personit që mund të ketë qenë me të.
Një tjetër element ku do të përqendrohen hetimet është sasia e madhe e drogës së sekuestruar. Dyshohet se 33-vjeçari kishte shkuar në Frosinone për t'ia dorëzuar drogën një personi me kapacitet ekonomik për ta blerë. Vlera e saj në treg përllogaritet në rreth 70 mijë euro, përpara se të shpërndahej më pas në doza për shitje me pakicë.
Kujt do t'i dorëzohej droga dhe për llogari të kujt vepronte 33-vjeçari pritet të zbardhet gjatë vijimit të hetimeve.
Ndërkohë, gjatë seancës për vleftësimin e arrestimit, shqiptari zgjodhi të mos u përgjigjej pyetjeve të gjyqtarit, duke ushtruar të drejtën për të heshtur. Ai mbetet në burgun e Frosinones, në pritje të zhvillimeve të mëtejshme të hetimit. /PiranjatNews/
