U kapën me drogë në dalje të vendit, arrestohen dy persona në Muriqan

pamje nga ngjarja

MURIQAN- Arrestohen dy persona në Pikën Kufitare Muriqan. Mësohet se në dalje të vendit tonë, 30-vjeçarit B.D i është gjetur një sasi kanabisi në automjetin e tij.

Gjithashtu gjatë një kontrolli fizik 29-vjeçarit M.M i është gjetur sasi kanabisi. Me rastet do të merret Prokuroria Shkodër.

Njoftimi i Policisë:

Si rezultat i kontrolleve dhe i verifikimeve që po kryhen me qëllim parandalimin dhe goditjen e krimeve kufitare, Policia Kufitare e PKK Muriqan, në bashkëpunim me Seksionin për Hetimin e Narkotikëve të DVP Shkodër, arrestoi shtetasit:

B. D., 30 vjeç, banues në Shkup, pasi në dalje të RSh-së, gjatë kontrollit në automjetin që ai drejtonte, shërbimet e Policisë gjetën një sasi lënde narkotike cannabis sativa të ndarë në doza

M. M., 29 vjeç, banues në Belgjikë, pasi në dalje të RSh-së, gjatë kontrollit fizik, shërbimet e Policisë i gjetën një sasi lënde narkotike cannabis sativa.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

muriqan droge