Ndarja e përgjegjësive për punët e shtëpisë mund të ndikojë edhe në kënaqësinë në çift...
AKTUALITET
U kapën me 14 kg drogë dhe rreth 25 mijë euro/ Trafikantët në Itali tentojnë të arratisen duke përplasur makinën e policisë, vihet në pranga shqiptari dhe dy miqtë e tij
r.llPërditësimi i fundit 28 Shtator 2024, 09:42
droga e kapur
ITALI- Policia e Perugia zhvilloi një operacion në zonën e Massa Martana në Itali, ku në pranga si rezultat përfunduan një shqiptar 22-vjeçar, një 27-vjeçari sllovak dhe një italian 23-vjeçar. Pas ndalimit dhe gjatë u kontrollit fizik u zbulua se tre të rinjtë po transportonin me makinë rreth 14 kilogramë lëndë narkotike, ndërsa me vete kishin edhe rreth 25 mijë euro cash, që dyshohen si origjinë e aktivitetit kriminal. Karabinierët fillimisht vunë re gjatë shërbimit një mjet të dyshimtë në lëvizje afër Ternit. Për këtë arsye policia ka vendosur të kryejë një kontroll më të thelluar dhe ka urdhëruar drejtuesin e mjetit të ndalojë, shkruan ANSA.
I dyshuari tentoi të arratisej, duke përplasur makinën e policisë dhe lënduar dy nga efektivët në operacion, të cilët iu shmangën goditjes fatale. Gjatë ndjekjes mjeti i autorëve u bllokua dhe në kontrollin poshtë sediljeve, në një pjesë fundore të improvizuar posaçërisht si dhomë e fshehtë, u gjetën të fshehura rreth 6 kg hashash të paketuara.
Kontrolli u shtri edhe në banesa, ku u zbuluan 7 kg lëndë e ngurtë që rezultoi po hashash dhe gjysmë kilogrami marijuanë, si dhe 25000 euro cash. Të tre të rinjtë u arrestuan për veprën penale të posedimit të lëndëve narkotike me qëllim trafikim, kurse emrat e tyre nuk u publikuan për shkak të hetimeve, pasi dyshohet se janë pjesë e një organizate kriminale narkotrafiku. Të dyshuarit janë izoluar në Burgun e Spoletos nga Prokuroria, në pritje të masës në Gjykatë, teksa një akuzë e re do jetë edhe ajo e “dëmtimit, plagosjes dhe rezistencës ndaj një zyrtari publik”.
