Kongresmenja demokrate amerikane Alexandria Ocasio-Cortez ka reaguar lidhur me protestat në Shqipëri, duke i bërë thirrje qeverisë sh...
AKTUALITET
U kapën me rreth 700 gram kanabis, adoleshentët përfundojnë në prangat e policisë
PiranjatPërditësimi i fundit 5 Tetor 2025, 11:03
Policia e Tiranës ka finalizuar operacionin policor të koduar "Collaboration", duke vënë në pranga tre shtetas të dyshuar për trafikun dhe shitjen e lëndëve narkotike, të cilët u kapën me rreth 700 gram kanabis që do të shiteshin në zonën e Kamzës.
Mësohet se operacioni u zhvillua nga Seksioni për Hetimin e Narkotikëve, pas informacionit të siguruar në rrugë operative për tre shtetas që posedonin lëndë narkotike. Ata u lokalizuan në rrugën “Azem Galica” në Kamëz, ku iu gjet sasia e kanabisit.
Gjatë kontrollit në banesën e njërit prej të arrestuarve, një 17-vjeçari, policia gjeti dhe një sasi tjetër kanabis. Sipas hetimeve, lënda narkotike ishte siguruar nga një prej të arrestuarve.
Njoftimi i policisë:
Tiranë/Finalizohet nga Seksioni për Hetimin e Narkotikëve, operacioni policor i koduar “Collaboration”.
U kapën në flagrancë me një sasi lënde të dyshuar narkotike kanabis, që e posedonin me qëllim shitjen në zonën e Kamzës, vihen në pranga 3 shtetas.
Sekuestrohen rreth 700 gram lëndë e dyshuar narkotike kanabis dhe 3 aparate celular.
Shërbimet e Seksionit për Hetimin e Narkotikëve, në vijim të operacioneve të njëpasnjëshme për goditjen e veprimtarive kriminale në fushën e narkotikëve, bazuar në informacionet e marra në rrugë operative se tre shtetas posedonin një sasi lënde narkotike që do ta shisnin në zonën e Kamzës, organizuan dhe finalizuan operacionin policor të koduar “Collaboration”.
Si rezultat i këtij operacioni, u bë kapja dhe arrestimi në flagrancë i shtetasve: S. C., 22 vjeç, R. Gj., 22 vjeç dhe një shtetas i mitur, 17 vjeç.
Shërbimet e Policisë lokalizuan tre shtetasit në rrugën “Azem Galica”, Kamëz, të cilëve iu gjet një sasi lënde narkotike kanabis, që dyshohet se e posedonin me qëllim shitjen në këtë zonë. Nga hetimet ka rezultuar se lënda narkotike është siguruar nga shtetasi S. C.
Gjatë kontrollit të ushtruar në banesën e 17-vjeçarit, u gjet dhe u sekuestrua një tjetër sasi lënde e dyshuar narkotike kanabis.
Materialet procedurale i kaluan Prokurorisë, për veprime të mëtejshme.
