U rrëzua nga skafi, plagoset 8-vjeçarja në Velipojë, shoqërohet drejtuesi dhe bllokohet mjeti lundrues

Foto ilustruese

VELIPOJË- Një 8-vjeçare është plagosur pasditen e sotme në Velipojë. Policia bën me dije se e mitura është plagosur në këmbë. Plagosja e të miturës ka ndodhur pasi ajo është rrëzuar nga skafi me të cilën po lundronte në det.

Më tej bëhet me dije se e mitura ka qenë e shoqëruar nga familjarët e saj. Ndërkohë në lidhje me ngjarjen është shoqëruar drejtuesi ndërsa është bllokuar edhe mjeti lundrues.

Njoftimi: 

Velipojë/Informacion paraprak Në plazhin e Velipojës, një shtetase e mitur 8-vjeçare, e shoqëruar nga familjarët e saj, dyshohet se gjatë kohës që lundronin me një mjet lundrues skaf të familjarit të tyre aksidentalisht është rrëzuar dhe ka dëmtuar lehtë këmbën. Shtetasja e mitur është dërguar në spital për ndihmë mjekësore jashtë rrezikut për jetën.

Drejtuesi i mjetit lundrues, shtetasi D. H., 57 vjeç, është shoqëruar në ambientet e Policisë Kufitare për veprime të mëtejshme, ndërsa mjeti lundrues skaf është bllokuar nga shërbimet e DVKM Shkodër. Grupi hetimor, nën drejtimin e Prokurorit, vijon punën për sqarimin e plotë të rrethanave të rastit.

velipoje plagosje