Kryetari i Partisë Demokratike, Sali Berisha, ka shpërndarë në rrjetet sociale një pjesë nga fjala e një protestueseje n&eu...
AKTUALITET
U sekuestruan 4.5 mln euro/ Operacioni ‘Revanshi’, SPAK mbyll hetimet për 20 të pandehurit
I.APërditësimi i fundit 31 Janar 2025, 13:01
TIRANË- Prokuroria e Posaçme ka mbyllur hetimet për operacionin Revanshi ku u goditën 7 grupe kriminale në vendin tonë. Mësohet se SPAK ka mbyllur hetimet për 20 personat që janë marrë të pandehur, ndërkohë që pritet që të dërgojë dosjen në Gjykatën e Posaçme për të nisur gjykimin.
Nga ky operacion janë dëmtuar grupe kriminale që vepronin në qytete të ndryshme të vendit si Lezhë, Durrës, Krujë, Tiranë, Vlorë dhe Burrel. Ndërkohë që gjithsej janë sekuestruar mbi 4.5 milion Euro pasuru mes tyre gati 3 milione euro jane para cash dhe valixhe me florinj e ora.
Në kuadër të operacionit, janë arrestuar 20 persona, 14 prej të cilëve brenda territorit të Shqipërisë dhe 6 jashtë saj, përkatësisht në Itali, Gjermani, Spanjë dhe Belgjikë. Nga ky operacion janë arrestuar dhe zyrtarë të lartë policor, si drejtori i Policisë së Lezhës Henerigert Mitri, si dhe persona me lidhje si ish-deputeti Arben Ndoka apo vëllai i deputetit Eduard Ndreca, Armando Ndreca.
Sipas njoftimit zyrtar të SPAK janë goditur 7 grupe të strukturuara kriminale dhe u firmosën 50 urdhër arreste për bosë të krimit dhe anëtarë të grupeve të tyre kriminale. Gjithashtu janë sekuestruar pasuri me vlerë 4.5 milionë euro, ku përfshihen bizhuteri dhe ora të shtrenjta, flori, euro cash, armë zjarri, automjete luksoze të blinduara, sisteme vrojtimi kamerash, tavolinë pokeri, etj.
Sipas SPAK, në qendër të grupeve kriminale ishte ai i të shumëkërkuarit Ervis Martinajt, i cili ishte në aleancë me grupin kriminal që vepronte në qytetin e Lezhës të drejtuar nga ish-deputet Arben Ndoka. Bëhet me dije se në zonën e Fushë-Krujës vepronte grupi i Durim Bamit i cili ishte në konflikt të hapur me grupin e Martinajt dhe Ndokës. Grupi i Bamit bëri aleancë me një grup kundërshtar të Martinajt që drejtohet nga Leonard Duka dhe Fatmir Hyseni, persona me precedentë të theksuar kriminal me qëllim vrasjen e Martinajt dhe Ndokës dhe anëtarëve të tjerë të këtyre grupeve kriminale.
Në ndihmë të grupeve kriminale të drejtuara Ervis Martinaj dhe Arben Ndoka, vijnë edhe shtetasit Emiljano Shullazi dhe A.Avdylaj, që edhe pse në kushtet e paraburgimit ndihmojnë në realizimin e vrasjes së Durim Bamit. Hetimet kanë evidentuar ekzistencën edhe të një grupi tjetër kriminal të drejtuar nga Edison Reçi. Ky shtetas me qëllim hakmarrje ka organizuar vrasjen e Preng Gjinit. Nga njoftimi i SPAK është evidentuar dhe përfshirja në ngjarjet kriminale edhe një ish-deputeti, Arben Ndoka, katër punonjës policie; drejtori i Drejtorisë Vendore të Policisë Lezhë, Henerigert Mitri, efektivët e RENEA-S, Altin Morina dhe efektivi me iniciale A.P,.
Sipas SPAK, Mitri së bashku me ish-punonjësin e policisë kufitare Klodjan Shahini dhe persona të tjerë drejtonin aktivitetin kriminal të kultivimit të narkotikëve në qarkun e Lezhës. Gjithashtu së bashku me Preng Gjinin, aktualisht në arrest për një hetim tjetër, organizonin aktivitetin e paligjshëm të lojërave të fatit në Lezhë. Gjatë ekzekutimit të vendimeve të GJKKO janë gjetur dhe sekuestruar në cilësinë e provës materiale rreth 3 milionë euro cash vetëm në banesën e Ervis Doçit i njohur ndryshe me pseudonimin Visi i Pojës.
