Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
AKTUALITET
U zhduk para 8 ditësh, ende asnjë gjurmë nga Leo Roci, familjarët ngrenë dyshime: Mund t'i ketë ndodhur diçka e keqe
b.zPërditësimi i fundit 29 Maj 2024, 10:50
Leo Roci
DIBËR - Teksa kanë kaluar tetë ditë nga zhdukja pa gjurmë e të riut nga Dibra, Leo Roci ende nuk ka asnjë gjurrmë prej tij. Një ditë më parë daja i Rocit në një prononcim për mediat u shpreh se nipi ka humbur kontaktet në kufirin mes Serbisë e Kroacisë.
Ai ka treguar se me të riun ka humbur kontaktet më datën 21 maji rreth orës 02:30 të natës ku i ka thënë se ndodhet në doganë në kufirin Serbi-Kroaci dhe do ikte në Europë, për emigrim. Sipas dajës pas orës 02:30 telefoni ka qenë i ndezur, i ka rënë zilja dhe sms, por nuk është përgjigjur njeri. Nuk dihet ende vendodhja e të riut, ndërsa familjarët e tij ngrenë dyshime për diçka të keqe që mund t’i ketë ndodhur nga persona me të cilët ka qenë në burg dhe kanë frikën se edhe nuses dhe fëmijës së djalit mund t’iu ndodhë diçka e keqe.
Leo Roci është nisur më datë 19 ditë e diel, me autobusin e linjës Durrës-Prishtinë. Pasi ka arritur në Prishtinë, nuk ka pasur biletë për të udhëtuar më tej dhe është detyruar që të flejë në një hotel në Prishtinë dhe të nesërmen më datë 20 është nisur me një taksi për në Serbi, me kalim nga Dogana në Merdarë. Pasi ka kaluar doganën me taksi, taksia e ka vendosur në autobus për në Beograd dhe në Beograd e ka marrë taksia tjetër dhe e ka dërguar në pikën kufitare në dalje të Serbisë me hyrje drejt Kroacisë. Më tej nuk dihet se çfarë destinacioni ka ndjekur.
