Ushtroi dhunë fizike ndaj babait të tij, arrestohet i riu në Pogradec

foto ilustruese

POGRADEC- Arrestohet një person dhe procedohen dy të tjerë në Pogradec. Mësohet se A.H 21 vjeç, është arrestuar pasi ushtroi dhunë fizike ndaj të atit.

Bëhet me dije se M.K 41 vjeç është proceduar penalisht për shkak të një aksidenti rrugor i cili ndodhi ditën e djeshme. Ndërkohë është proceduar edhe O.L 48 vjeç pasi mbante 10 krerë të kontrabanduar nga Greqia në fermën e tij.

Njoftimi i policisë:

Komisariati i Policisë Pogradec arrestoi në flagrancë shtetasin A. H., 21 vjeç, banues në fshatin Dunicë, pasi dyshohet se ka dhunuar babanë e tij.

Në vijim të informacionit paraprak të dhënë ditën e djeshme, për një aksident rrugor, informojmë se Sektori i Policisë Rrugore referoi materialet në Prokurori, ku filloi procedimi penal për shtetasin M. K., 41 vjeç, banues në Elbasan.

Seksioni për Hetimin e Krimeve Ekonomike dhe Financiare referoi materialet në Prokurori, ku filloi procedimi penal për shtetasin O. L., 48 vjeç, banues në Devoll, pasi gjatë kontrollit të kryer ne fermën e tij, u konstatua se mbante 10 krerë bagëti të imëta që dyshohet se janë kontrabanduar nga Greqia.

Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.

pogradec dhune arrestime