VIDEO/ Aksioni i SPAK për arrestimin e eksponentëve të njohur të krimit, dalin pamje të reja nga operacionet e zhvilluara në vend

Operacioni

TIRANË- Një operacion është zhvilluar ditën e sotme me urdhër të Prokurorisë së Posaçme, SPAK në kuadër të së cilit janë lëshuar gjithsej 50 urdhër arreste. Operacioni u shtri në disa qytete kryesore, si Lezhë, Krujë, Tiranë dhe Vlorë, ndërsa janë ushtruar kontrolle edhe në disa banesa.

Operacioni kishte si synim kapjen e eksponentëve të njohur të krimit në vend, vend si Valter dhe Durim Bami, dy vëllezërit Leonard dhe Erlis Duka, Fatmir Hyseni alias Docja apo dy vëllezërit Astrit dhe Altin Avdylaj, pjesë e bandës së Shijakut. Mes listës së urdhër arresteve është edhe ish-deputeti i PS, Arben Ndoka, i cili është shpallur në kërkim.

Në lidhje me këtë operacion ka reaguar edhe ministri i Brendshëm, Taulant Balla i cili për mes një postimi në llogarinë e tij në "Facebook" ka ndarë pamje të reja nga opercioni si dhe është shprehur se lufta kundër krimit të organizuar janë të pandalshme dhe po japin rezultate. Balla theksoi se përmes kësaj veprimtarie po rriten parametrat e sigurisë në komunitet si edhe po krijohet një trupë policore e denjë dhe me integritet.

Lufta kundër krimit të organizuar falë bashkëpunimit me SPAK dhe agjencitë e tjera ligjzbatuese, si dhe vetëpastrimi i Policisë së Shtetit nga punonjësit e Policisë të lidhur me ta, janë të pandalshme dhe po japin rezultate për rritjen e parametrave të sigurisë në komunitet, krijimin e një trupe policore të denjë dhe me integritet si dhe për rritjen e besimit të qytetarëve tek Policia e Shtetit. Besimi i qytetarëve është elementi kyç që Policia të përmbushë misionin e saj.

Nga inofmacionet e deritanishme thuhet se janë shoqëruar Armando Ndreca dhe Elvis Ndreca, përkatësisht vëllai i deputetit Eduard Ndreca dhe kushëriri i tij. Gjatë operacionit u vu në pranga biznesmeni nga Velipoja, Mir Bruli, i afërm i Pëllumb Gjokës.

Urdhër arrestet e lëshuara nga GJKKO:

Erlis Duka

Fatmir Hyseni alias Doçja

Albert Zaja

Valter Bami

Durim Bami

Astrit Avdylaj

Altin Avdylaj

Plaurent Dervishaj

Endrit Dokle

Xhevi Ndoka.

spak arrestim balla