VIDEO/ Denoncimi te Piranjat: Plasin ujërat e zeza në QSUT, prej 3 ditësh pezullohet puna në godinën e Sterilizimit

Pamjet

TIRANË- Një denoncim ka ardhur në redaksinë e Piranjave për Qendrën Spitalore Universitare Tiranë, ku shihet gjendja e keqe në të cilën ndodhet kompleksi spitalor. Në videon e mëposhtme të Piranjave, shihet gjendja e rrënuar e godinave spitalore, ndërkohë që deri më tani nuk është marrë përsipër rregullimi i tyre.

Por krahas godinave të rrënuara, një tjetër problem ka ndodhur në QSUT. Në godinën e sterilizimit, prej më shumë se 3 ditësh kanë plasur ujërat e zeza. Për shkak të këtij problemi, e gjithë zona përrreth godinës së sterilizimit mban një aromë të tmerrshme dhe shumë të rëndë.

Piranjat mësojnë se që nga plasja e ujrave të zeza puna në godinën e sterilizimit është pezulluar. Ndërkohë që ende nuk janë marrë masat për të rregulluar plasjen e tubacioneve të ujrave të zeza dhe nuk dihet sa do vazhdojë kjo situatë. Të rënda janë pamjet ardhura në redaksinë e Piranjave, ku në godinën e sterilizimit, shihen tuba te nxjerra në sipërfaqe, mjete spitalore, karrige e shtretër të lëna përtokë.

piranjat