VIDEO/ Disa persona ndaluan para lokalit në Lezhë dhe e qëlluan teksa po pinte kafe, Gjovalin Prendi ndërroi jetë në spital

vendngjarja

LEZHË- Një vrasje me armë zjarri ka ndodhur mbrëmjen e sotme në fshatin Pllanë të Lezhës. Gjovalin Prendi, babai i Sidorel Prendit, të njohur më shumë si Roan Brahimi u qëllua brenda lokalit në pronësi të tij.  Prendi ka qenë duke konsumuar kafe dhe disa persona kanë ndaluar para tij dhe e kanë qëlluar. Familjarët e kanë dërguar menjëherë në spital por nuk i ka mbijetuar plagëve të marra. Ndërkohë janë publikuar edhe pamjet e para nga vendi i ngjarjes.

Roan Brahimi i njohur si armiku i Ervis Martinajt është ekzekutuar në një atentat në Athinë të Greqisë, më 9 maj të 2024. Brahimi i cili kishte përvetësuar u vra në sy të gruas dhe djalit të tyre të vogël. Asokohe e plagosur mbeti dhe bashkëshortja e tij. Roan Brahimi dyshohet të ketë lidhje edhe me vrasjen Gentjan Bejtjes në 15 mars 2024 në Larushk të Krujës.

Po ashtu dyshohet se ka qenë i përfshirë në atentatin ndaj Brilant Martinaj, kushëriri i Ervis Martinajt. Ky i fundit rezulton i zhdukur prej kohësh. Bashkë me Brilant Martinaj humbën jetën dhe dy miqtë e tij, Besmir Hoxha dhe Dikler Vata, të cilët u ekzekutuan egërsisht. Ngjarja kriminale ndodhi më 17 korrik në 2022 në mbikalimin e Fushë-Krujës.

vrasje ne lezhe gjovalin prendi roan brahimi