VIDEO/ Familja nga Fushë Kruja në terror prej muajsh, pamje nga momenti kur hidhen gurë drejt banesës

Më shumë se një javë pas denoncimit të një qytetareje nga Fushë Krujës, duket se telashet e saj nuk kanë marrë zgjidhje deri më tani.

Persona të paidentifikuar hedhin vazhdimisht gurë në drejtim të banesës së saj, duke shkaktuar dëme materiale dhe duke rrezikuar jetën e saj dhe familjarëve.

Ngjarja e pazakontë për nga mënyra, është regjistruar në lagjen “Kastriot” të Fushë Krujës. Në videot e reja të dërguara në redaksinë e “PiranjaveNews”, shihet momenti kur një prej gurëve bie në oborrin e banesës.

Sipas denoncimit, familja përballet me situatën e rrezikshme prej tre muajsh. “Prej muajsh më hidhen gurë në shtëpi.

Kam frikë për jetën. Vjen policia dhe më kërkon prova. Po çfarë duhet të ndodhë, të ketë tragjedi që të na dëgjojnë? Nesër mund të jetë vonë”, shprehet ajo me shqetësim.

Qytetarja kërkon ndërhyrje të menjëhershme nga autoritetet dhe masa konkrete për mbrojtjen e saj, ndërkohë që ende mbetet mister se kush qëndron pas këtyre veprimeve. /PiranjatNews/