Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
AKTUALITET
VIDEO/ Ishte dënuar në Gjermani, arrestohet në Tiranë 19-vjeçarja
PiranjatPërditësimi i fundit 2 Mars 2026, 09:07
Një 19-vjeçar nga Gjermania dhe e dënuar me 10 vite burg për trafik droge është arrestua në Shqipëri.
Policia e Shtetit njofton se vajza e re, e identifikuar si Maryam Assaf ishte fshehur në Shqipëri. Ajo u kap në kuadër të operacionit të koduar “Operacionalja”, ndërsa ishte e shpallur në kërkim ndërkombëtar.
“Kjo shtetase kërkohej ndërkombëtarisht, pasi në muajin qershor 2025, Gjykata e Hanoverit e ka dënuar me 10 vjet burgim për veprimtari kriminale në fushën e narkotikëve”, thotë policia.
Ndërkohë arrestimi provizor i saj u bë me qëllim ekstradimin drejt Gjermanisë.
Njoftimi i policisë
Drejtoria e Forcës së Posaçme Operacionale.
Finalizohet nga Drejtoria e Forcës së Posaçme Operacionale, në Departamentin e Policisë Kriminale, faza e 85-të e operacionit policor të koduar “Operacionalja”, për lokalizimin dhe kapjen e personave të shpallur në kërkim ndërkombëtar.
E dënuar me 10 vjet burgim, në Gjermani, për krime në fushën e narkotikëve, kapet në Tiranë 19-vjeçarja.
Në vijim të operacioneve të njëpasnjëshme të zhvilluara nga Drejtoria e Forcës së Posaçme Operacionale, si dhe falë shkëmbimit të informacioneve ndërmjet shërbimeve të DFPO-së dhe homologëve gjermanë, në kuadër të fazës së 85-të të operacionit të koduar “Operacionalja”, shërbimet operacionale të DFPO-së lokalizuan dhe kapën në Tiranë shtetasen gjermane, Maryam Assaf, 19 vjeçe.
Kjo shtetase kërkohej ndërkombëtarisht, pasi në muajin qershor 2025, Gjykata e Hanoverit e ka dënuar me 10 vjet burgim për veprimtari kriminale në fushën e narkotikëve.
Arrestimi provizor i saj u bë me qëllim ekstradimin drejt Gjermanisë.
