Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
AKTUALITET
VIDEO/ Mungesa e dritave krijon kaos në QSUT
PiranjatPërditësimi i fundit 19 Janar 2026, 21:48
Mungesa e energjisë elektrike ka shkaktuar kaos në ambientet e Urgjencës në Spitalin më të madh në Tiranë.
Për shkak të errësirës, mjekët janë detyruar të transferojnë pacientët nga ambientet e spitalit.
Sipas denoncimeve të mbërritura nga qytetarë dhe familjarë të pacientëve, ikja e dritave ka krijuar kaos dhe pasiguri totale, duke paralizuar punën e stafit mjekësor dhe duke alarmuar të afërmit e të shtruarve në gjendje të rëndë shëndetësore.
Burime nga vendngjarja bëjnë me dije se, për shkak të dështimit të sistemit elektrik dhe pamundësisë për të garantuar kushtet minimale në dhomat e kujdesit intensiv, pacientët janë nxjerrë me urgjencë nga reanimacioni dhe janë transferuar nëpër korridoret e spitalit.
Një qytetar i pranishëm në QSUT ka denoncuar situatën pranë redaksisë sonë, duke theksuar ankthin dhe panikun e krijuar: “Situata doli jashtë kontrollit. Ka ikur korrenti dhe pacientët po i nxjerrin nga reanimacioni nëpër korridore. Nuk dihet se çfarë po bëhet, jemi në ankth të plotë sepse dritat nuk po vijnë.”
Ky rast ngre pikëpyetje serioze mbi funksionimin e gjeneratorëve dhe sistemit të emergjencës, në një repart ku jeta e pacientëve varet drejtpërdrejt nga aparaturat elektrike dhe furnizimi i pandërprerë me energji.
