Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
AKTUALITET
Parandalohet krim në një familje në Klos, konfliktohen dy vëllezër, sekuestrohet një armë zjarri dhe municione luftarake
n.fPërditësimi i fundit 22 Qershor 2024, 11:09
Foto ilustruese
KLOS- Një 38-vjeçar është vënë në pranga ditën e sotme në Klos. Mësohet se arrestimi i tij ka ardhur pas një konflikti me të vëllanë. Sipas njoftimit të policisë dy vëllezërit janë konfliktuar për motive të dobëta.
Policia pas kontrolleve në banësën e të arrestuarit ka gjetur dhe sekuestruar 1 armë zjarri pistoletë dhe municione luftarake. Policia ka mbërritur në vendngjarje pas raportimeve për konfliktin dhe kanë bërë të mundur parandalimin e mëtejshëm të tij.
Njoftimi:
Klos/Parandalohet përshkallëzimi i mëtejshëm i një konflikti në familje, që mund të kishte pasoja të rënda për jetën. Për motive të dobëta, u konfliktua verbalisht me vëllanë e tij, ndërhyrja e menjëhershme e Policisë, bëri të mundur arrestimin në flagrancë të 38-vjeçarit.
Në banesën e 38-vjeçarit, shërbimet e policisë gjetën dhe sekuestruan 1 armë zjarri pistoletë. Menjëherë pas njoftimit të marrë se në fshatin Gurrë e Vogël, për motive të dobëta, po konfliktoheshin verbalisht dy vëllezër, shërbimet e policisë shkuan menjëherë në adresë dhe si rezultat i ndërhyrjes së menjëhershme, u bë i mundur parandalimi i mëtejshëm i këtij konflikti, si dhe arrestimi i shtetasit R.T., 38 vjeç, banues në fshatin Gurrë e Vogël, Klos.
Gjatë kontrollit të banesës së 38-vjeçarit, iu gjet e fshehur dhe iu sekuestrua në cilësinë e provës materiale, 1 armë zjarri pistoletë me municion luftarak. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
