Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
AKTUALITET
VIDEO-SKANDALI/ Ministria e Arsimit e pakënaqur me protestën për vrasjen e 14-vjeçarit, punonjëset bëjnë presion nga dritarja që të mbyllet
r.llPërditësimi i fundit 21 Nëntor 2024, 13:59
TIRANË- Ditën e sotme është mbajtur një protestë-marshim, për vrasjen e Martin Canit, që nisi nga shkolla "Fan Noli" dhe u mbyll te ministria e Arsimit. Teksa protestuesit, prindërit dhe bashkëmoshatarët e Martin Canit që u godit me thikë në zemër, mbanin fjalimet e tyre me zërin që u dridhej dhe mes lotësh, punonjëset e ministres Ogerta Manastirliu u duken të bezdisura nga protesta që zhvillohej poshtë.
Në videon e siguruar nga Piranjat, shihet një nga punonjëset e Ministres Manastirliu, e cila në dukje është e shqetësuar për protestën e organizuar dhe kërkon me ngulëm mbylljen e saj. Duke parë këtë video, ngrihet pyetja se kujt po i drejtohet kjo punonjëse dhe kë po urdhëron që të mbyllet protesta sa më parë.
Organizatorët e protestës janë shprehur se do të protestojnë deri në përmbushjen e kërkesave të tyre, mes tyre ajo për dorëheqjen e ministres Ogerta Manastirliu. Ato kanë lajmëruar se ditën e hënë do të jenë sërish në protestë. Ndër kërkesat e qytetarëve, ka qenë edhe shtimi i punonjësve të sigurisë dhe psikologëve nëpër shkolla.
Vrasja e 14-vjeçarit në Tiranë
Martin Cani humbi jetën mesditën e 18 tetorit pasi u qëllua me thikë në bark nga bashkëmoshatari i tij, Mario Prelleshaj. Ngjrja e rëndë ka ndodhur pas një konflikti mes dy të miturve që ka degraduar në përdorimin e thikës. Mario Prelleshaj dyshohet se ka qenë në klasë paralele me viktimën, në shkollën 9-vjeçare Fan Noli. Konflikti mes të miturve raportohet se ka nisur në oborrin e shkollës, ndërsa ka agravuar jashtë ambienteve të saj. Autori ka nxjerrë thikën dhe ka qëlluar mbi 14-vjeçarin, Martin Cani.
Pasi është goditur me thikë, Cani është afruar tek shkolla, ka ecur disa metra dhe pasi ka nisur të humbë gjak, është rrëzuar në trotuarin para shkollës. Si pasojë e plagëve të marra, Cani ka ndërruar jetë në spital. I plagosur nga ky sherr ka mbetur edhe shoku i ngushtë i viktimës, i cili nuk mësonte në të njëjtën shkollë me to, po stërviteshin në të njëtin klub futbolli. I plagosur mbeti edhe vetë autori, i cili dyshohet se ka dëmtuar ligamentet e dorës dhe po trajtohet në një klinikë private.
Pak çaste pas krimit të rëndë autori kishte postuar foto me thikën më të cilin autori kreu vrasjen dhe dorën e tij e gjakosur që u plagos gjatë konfliktit. Po ashtu edhe në aplikacionin "Snapchat", kishte publikuar një tjetër foto ku shihet i pashqetësuar për krimin që ka kryer. Në foto si për të demonstruar forcën mbante grushtin lart. Po ashtu nga fotoja vihet re se autori ndodhet në një makinë, të cilët dyshohen se e kanë marrë atë nga vendngjarja, menjëherë pas krimit që kishte kryer. Ata që kanë marrë autorin e mitur nga vendi i ngjarjes, dyshohet se janë lajmëruar nga vetë ai dhe kanë ardhur me automjetet e tyre nga Sauku. Sipas informacioneve, ky grup nga Sauku rezultojnë të përfshirë edhe në konflikte të tjera.
