Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
VIDEO+FOTO/ Momenti i arrestimit dhe detaje tronditëse të autorit të masakrës në Shkodër
PiranjatPërditësimi i fundit 8 Shtator 2025, 10:38
Momenti i arrestimit dhe detaje të tjera tronditëse dalin në dritë mbi të kaluarën kriminale të Ragip Gilës, autorit të dyshuar të atentatit të përgjakshëm në lagjen “Qemal Stafa”, ku mbetën të vrarë Armando Pali dhe Liridon Kraja, dhe u plagosën dy persona të tjerë.
Gila u arrestua nga policia në tentavën për t’u larguar, teksa iu sekuestrua edhe arma e krimit.
Ndërkohë, ai cilësohet se nuk është një emër i panjohur për Policinë. Në 2023, ai ishte arrestuar në kuadër të operacionit policor të koduar “Imazhi fals”, pasi në banesën e tij u zbulua një bazë e pajisur me mjete të përdorura zakonisht nga grupet kriminale.
Policia kishte ndërhyrë në banesën e 26-vjeçarit (atëherë) Ragip Gila, ku u gjetën dhe sekuestruan 7 jelekë anti-plumb, 2 palë doreza, 3 maska, 2 paruke, municion luftarak, një kokore metalike, një armë gjahu dhe sende të tjera të kundërligjshme. Gjithashtu, u kap dhe një sasi e lëndës narkotike që dyshohet të ketë qenë kanabis.
Gila atëherë u procedua për disa vepra penale, përfshirë “Prodhimi dhe shitja e narkotikëve”, “Prodhimi dhe mbajtja pa leje e armëve luftarake dhe municionit” si dhe “Prodhimi dhe mbajtja pa leje e armëve të gjuetisë dhe sportive”.
