I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
Votim i papritur dhe i paligjshëm në Këshillin Drejtues të RTSH-së, ja dy shkeljet e bëra
M.B.Përditësimi i fundit 27 Janar 2025, 19:47
TIRANA- Këshilli Drejtues i RTSH-së ka votuar sot për drejtor të Përgjithshëm në fazën e parë pa diskutuar kriteret që plotëson ose jo secili kandidat dhe duke mos respektuar fshehtësinë e votës. Nga ky votim kanë dalë në balotazh kandidatët Jetmir Shpuza dhe Aurora Polo me nga 7 vota pro secili.
Votimi pa diskutuar kriteret që plotëson ose jo secili kandidat në garë e minon procesin, pasi votohet kandidati me njohuri të kufizuara, pa vërtetuar CV-në e tij. Mësohet se Kryetari i Këshillit dhe vetë anëtarët kanë lejuar të votojë dhe një anëtar që gjendet jashtë shtetit, konkretisht në Vietnam. Kështu, vendosja në pikëpyetje e votës së fshehtë e bën procesin të pavlefshëm.
Bazuar në Statutin e Radio Televizionit Publik Shqiptar, në Kreun III ku flitet për strukturën e RTSH-së, organet e saj drejtuese dhe mënyrën e zgjedhjes së tyre, në nenin 11, pika 2 thuhet se me mbarimin e afatit të aplikimit, Këshilli Drejtues bën vlerësimin e kandidaturave të paraqitura në mbështetje të dokumentacionit të dorëzuar, verifikon dhe saktëson vërtetësinë e tyre dhe, me votim të fshehtë, vendos përfshirjen e tyre në konkurrim, duke i renditur sipas rendit alfabetik të mbiemrit.
Në pikën 3 të nenit 11 thuhet se kandidatët që plotësojnë kriteret ftohen të paraqesin platformat e tyre para Këshillit Drejtues jo më vonë se 5 ditë nga data e përfundimit të afatit të aplikimit. Kandidatët kanë në dispozicion 15 minuta kohë për të paraqitur platformën e tyre dhe 15 minuta kohë për pyetje. Kjo pikë bie, pasi votimi është bërë pa diskutuar kriteret që plotëson ose jo secili kandidat në garë.
Në pikën 4 të këtij neni thuhet se më tej votohet për listën e pranuar, sipas procedurës së përcaktuar nga Këshilli Drejtues, ku secili anëtar ka të drejtën e një vote. Kandidatura që në votimin e parë siguron tre të pestat e votave të të gjithë anëtarëve të KDRTSH-së zgjidhet Drejtor i Përgjithshëm i RTSH-së.
Në mbledhjen e sotme, Këshilli Drejtues i RTSH-së mori vendimin që në fazën e dëgjesës të thirren kandidatët që morën numrin e barabartë të votave, Jetmir Shpuza dhe Aurora Polo. Sa u takon kandidatëve të tjerë dhe votave përkatëse pro dhe kundër ata u renditën si mëposhtë nga Këshilli Drejtues i RTSH-së në fazën I:
