Një aksident rrugor me pasoja është regjistruar mesditën e sotme, rreth orës 14:05, në afërsi të qytetit të Grams...
AKTUALITET
Vranë Arjan Xhambazin në Greqi/ Prokuroria e Korçës përfundon hetimet për dy autorët, dërgon për gjykim Gëzim Latjan dhe Armando Tarushllarin
n.fPërditësimi i fundit 20 Maj 2025, 14:14
KORÇË- Prokuroria e Korçës ka përfunduar hetimet në lidhje ndaj dy autoreve të vrasjes së shqiptarit Arjan Xhambazit. Viktima u vra në dhjetor të 2008. Prokuroria gjithashtu ka dërguar për gjykim dy autorët, Armando Tarushllarin dhe Gëzim Latjan.
Tarushllari dhe Latja, aktualisht në masën e sigurisë arrest me burg, akuzohen për veprën penale ‘Vrasja me dashje‘ e kryer në bashkëpunim. Dy autoret më 7 dhjetor 2008 rreth orës 00:10 në zonën e Athinës në rrugën “Efpalinu” pas një konflikti të dhunshëm midis dy grupeve shqiptare për motive të dobta, i kanë shkaktuar dëmtime në pjesë të ndryshme të trupit viktimës. Shkak i vdekjes është konkluduar dëmtim i rëndë i pjesës së majtë të kraharorit dhe zemrës të Xhambazit që vjen si rezultat i goditjeve vdekjeprurëse.
Prokuroria pranë Gjykatës së Shkallës së Parë të Juridiksionit të Përgjithshëm, Korçë, përfundoi hetimet dhe dërgoi në gjyq shtetasit A.T. dhe G.L. për veprën penale ‘Vrasja me dashje‘ e kryer në bashkëpunim parashikuar nga neni 76 dhe 25 i Kodit Penal.
Në përfundim tëhetimeve mbi procedimin penal nr.387 të datës 23.12.2008, të pushuar më parë e të rihapur, prokurori i çështjes ka deleguar kryerjen e një sërë veprimesh hetimore të kryera me metoda speciale, me qëllim realizimin e një hetimi sa më të plotë e objektiv, duke marrë në konsideratë edhe kohën e gjatë të kaluar që nga momenti i kryerjes së veprimeve hetimore të fundit.
Referuar akteve, provave dhe indicjeve të administruara gjatë fazës së hetimeve paraprake rezulton e provuar tej çdo dyshimi se të pandehurit G.L dhe A.T. alias J.C. alias A. Xh. alias M. D. alias M.C. alias A.D. në datë 07.12.2008, rreth orës 00:10 në zonën e Athinës në rrugën “Efpalinu”, në bashkëpunim me njëri-tjetrin, pas një konflikti të dhunshëm midis dy grupeve shqiptare për motive të dobta, i kanë shkaktuar shtetasit A.Xh., dëmtime në pjesë të ndryshme të trupit si pasojë e goditjeve me duar/grusht, shkopinj dhe thikë, ku referuar autposisë si shkak i vdekjes është konkluduar dëmtim i rëndë i pjesës së majtë të kraharorit dhe zemrës që vjen si rezultat i goditjeve vdekjeprurëse.
Nga analiza e akteve të administruara në fazën e hetimeve paraprake, rezultoi e provuar tej çdo dyshimi se të pandehurit G.L. dhe A.T. (aktualisht në masën e sigurisë arrest me burg), kanë konsumuar veprën penale “Vrasja me dashje”, parashikuar nga neni 76 i Kodit Penal, vepër kjo e kryer me veprime aktive të kundërligjshme, të kryera në bashkëpunim.
