DashiJe në një pozicion tani që po të bën nervoz. Je si një zhytës në një platformë të lartë q&eum...
AKTUALITET
Vranë kushëririn që abuzoi seksualisht me ta kur ishin të mitur, lihen në paraburgim dy vëllezërit shqiptarë në Greqi
n.fPërditësimi i fundit 11 Tetor 2024, 17:54
Pamje nga vendngjarja
GREQI- Dy vëllezërit që akuzohen për vrasjen e kushëririt të tyre janë lënë në paraburgim. Sipas dëshmisë të dy të pandehurve, të moshës 17 dhe 19-vjeç, kushëriri i tyre 28-vjeçar, Denis Loka i ka abuzuar seksualisht kur ata ishin 4 dhe 6 vjeç. Dy vëllezërit dolën në gjyq rreth orës 10 të mëngjesit të sotëm dhe u deklaruan fajtorë për akuzën e veprës penale të vrasjes së shkallës së dytë në gjendje të qetë shpirtërore.
Dy të rinjtë kanë qëndruar për disa kohë jashtë zyrës së hetimit, pasi vendimet ndaj tyre i kanë paraprirë deklarimet e prindërve dhe personave të afërt. Mes tyre ishte edhe një shok i njërit prej të pandehurve, i cili dyshohet se kishte folur me të dhe ai i kishte treguar se ai ishte abuzuar nga viktima.
Çfarë ndodhi në Athinë?
Vrasja ndodhi pak ditë më parë në Athinë, ku dy vëllezër, qëlluan me thikë vdekje kushëririn e tyre ku pas ngjarjes u zbulua një e vërtetë tjetër po aq të rëndë. Enis dhe Aleksandros Loka pasi vranë kushëririn e tyre, Denis Lokën, deklaruan në polici se arsyeja e krimit ishte se viktima kishte abuzuar seksualisht me autorët, kur ata ishin 4 dhe 6 vjeç dhe jetonin në Shqipëri.
Në dëshminë e plotë të dy autorëve, ata kanë treguar makthin e përjetuar 12 vite më parë në duart e viktimës, i cili dyshohet se i ka abuzuar seksualisht kushërinjtë e tij. Autorët kanë përshkruar se si kushëriri 28-vjeçar i abuzoi kur ishin vetëm 4 dhe 6 vjeç, ndërsa u shprehën se përdhunuesi i tyre nuk pushoi së shqetësuari deri pak kohë më parë. 19-vjeçari ka rrëfyer se vetëm para 3 vitesh, ka folur lidhur me tmerrin e përjetuar, pasi kishte vënë re se vëllai i tij i vogël ishte i mbyllur në vetvete dhe dyshoi se dhe ai mund të kishte kaluar të njëjtën gjë. Më tej tregoi se prindërit e tyre e kishin marrë vesh gushtin e vitit të kaluar.
Nga ana tjetër, 17-vjeçari ka konfirmuar fjalët e të vëllait, duke theksuar, njëkohësisht, se makthi për fëmijët nuk u ndal 12 vite më parë. Shpesh 28-vjeçari komunikonte me të duke dërguar mesazhe nga rrjetet sociale.
