Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
Vrasja e 34-vjeçarit, "blindohet" Shkodra, policia: I riu u ekzekutua para një lokali!
PiranjatPërditësimi i fundit 4 Shtator 2025, 23:19
Një tjetër ngjarje e rëndë ka tronditur mbrëmjen e sotme qytetin e Shkodrës. Rreth orës 22:30, në lagjen “Vasil Shanto”, dy persona ende të paidentifikuar kanë qëlluar me armë zjarri ndaj Kristian Koles 34 vjeç, i cili ndodhej në ambientet e jashtme të një lokali. Viktima ka ndërruar jetë në vendngjarje.
Shërbimet e Policisë mbërritën menjëherë dhe kanë ngritur pika kontrolli në hyrje-daljet e qytetit, ndërsa po kryhen kontrolle të imta në zona të ndryshme për identifikimin dhe kapjen e autorëve.
Ndërkohë, është ngritur një grup i posaçëm hetimor që, nën drejtimin e Prokurorisë, po punon për sqarimin e rrethanave, dokumentimin ligjor të ngjarjes dhe identifikimin e autorëve të atentatit.
Njoftimi:
Shkodër / Informacion paraprak
Rreth orës 22:30, në lagjen “Vasil Shanto”, në rrethana ende të paqarta, dy shtetas ende të paidentifikuar dyshohet se kanë vrarë me armë zjarri shtetasin K. K., 34 vjeç, i cili ishte në ambientet e jashtme të një lokali.
Shërbimet e Policisë kanë shkuar menjëherë në vendngjarje, janë ngritur pika kontrolli në dalje të qytetit dhe vijojnë kontrollet në zonë e në ambiente të ndryshme, për kapjen e autorëve.
Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave, dokumentimin ligjor, si dhe për identifikimin dhe kapjen e autorëve.
