Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
AKTUALITET
Vrasja e 48-vjeçarit në Tiranë, policia: U gjet i djegur në Zall-Herr "Porsche" i autorëve me targa të vjedhura, brenda automjetit ishte arma e dyshuar e krimit
r.llPërditësimi i fundit 24 Janar 2025, 15:32
foto ilustruese
TIRANË-48-vjeçari Lulzim Visha është gjetur i vrarë me armë zjarri në makinë mëngjesin e sotëm në Tiranë. Lidhur me ngjarjen policia bën me dije se është gjetur automjeti tip "Porsche" i përdorur nga autori/ët e ngjarjes në Zall Herr.
Në njoftimin e policisë thuhet gjithashtu se brenda makinë është gjetur një armë e gjatë zjarri, e dyshuar si arma e përdorur në vrasjen e Vishës. Ndërkohë gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.
NJOFTIMI I POLICISË:
Tiranë/Informacion shtesë.
Në vijim të informacionit paraprak të dhënë më parë për vrasjen e shtetasit L. V., ju informojmë se:
Në fshatin Zgafnor, në Zall-Herr, gjatë kontrollit të territorit nga shërbimet e Policisë është konstatuar i djegur një automjet tip “Porsche” i dyshuar i përdorur nga autori/ët e ngjarjes.
Nga këqyrja e automjetit, në brendësi të tij, është gjetur një armë e gjatë zjarri, e dyshuar si arma e përdorur nga autori/ët.
Gjatë verifikimeve për targat e automjetit ka rezultuar se targat janë të vjedhura që në muajin Prill 2023, në Kamëz.
Vijon puna intensive nga grupi i posaçëm hetimor për identifikimin dhe kapjen e autorit/ve si dhe për sqarimin e rrethanave dhe dokumentimin ligjor të ngjarjes.
