Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
AKTUALITET
Vrasja e dyfishtë për kafen në Manzë, policia gjen automjetin e autorit të një prej vrasjeve. Ku e kishte fshehur
PiranjatPërditësimi i fundit 22 Tetor 2025, 20:25
Pas ngjarjes së rëndë në Manzë të Durrësit me dy të vrarë, policia ka gjetur automjetin e 21-vjeçarit Daniel Pepa i shpallur në kërkim si autor i njërës prej vrasjeve.
Automjeti u gjet i fshehur pranë banesës së tij, ndërsa policia ka konstatuar në mjet edhe një gjurmë plumbi një provë e rëndësishme kjo për hetuesit. Ngjarja e rëndë u regjistrua rreth orës 01:45 të 22 tetorit 2025, në lokalin e një karburanti në Manzë.
Viktimat u identifikuan si, Aranit Kurti, 23-vjeç dhe Flori Paluçi, 33 vjeç, ky i fundit vrau fillimisht Kurti dhe më pas u qëllua për vdekje nga 21-vjeçari i shpallur në kërkim.
Kamarieri i përfshirë në konfliktin mes dy viktimave dhe autorit të shpallur në kërkim ka dhënë dëshminë për policinë, ku është shprehur se e gjitha nisi pas kërkesës për kafe, nga personi që tashmë është në kërkim, D.P.
“Ishte ora rreth 1:45, në momentin e ngjarjes ishin 5 persona. D.P hyri i pari në lokal me shokun e tij dhe më kërkoi kafe, ekspresi ishte i fikur dhe u thashë që nuk shërbejmë kafe në këtë orë.
Ai ma ktheu se ‘dua kafe patjetër’ dhe filloi të më fyente me fjalë të rënda. Nuk e vazhdova më bisedën por ndërhyri Flori Paluçi për të më mbrojtur mua, Flori është banor i zonës dhe klient i lokalit, pra e njoh. Aty filloi konflikti fizik mes tyre, dhe dolën përjashta lokalit për ta vazhduar konfliktin.”, ka deklaruar kamarieri.
