Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
AKTUALITET
Vrasja e Klaudio Prendit/ Gjendet pistoleta me silenciator në mjetin e autorëve, arma është djegur plotësisht
n.fPërditësimi i fundit 20 Nëntor 2024, 10:41
Pamje nga vendngjarja
TIRANË- Detaje të reja janë zbardhur në lidhje me vrasjen e 28-vjeçarit, Klaudio Prendit. Pas raportimeve të djeshme se është gjetur një mjet i djegur sot bëhet me dije se brenda "Audit A4" është gjetur edhe arma e përdorur në ekzekutim. Ditën e djeshme u raportua se brenda mjetit nuk ishte gjetur asnjë armë ndërsa mjeti ishte shkrumbuar nga flakët.
Ndërkohë sot është bërë e mundur identifikimi i armës në mjet. Arma e gjetur do të jetë një detaji i rëndësishëm për zbardhjen e vrasjes së 28-vjeçarit dhe gjetjen e autorëve gjakftohtë që e qëlluan për vdekje të riun brenda pak sekondave. Ekspertët e krimeve pas një kontrolli të dytë që ka kryer kanë gjetur armën e krimit, një pistoletë me silenciator. Mësohet se arma ishte plotësisht e djegur. Numri i shasisë nuk është rikuperuar ende, pritet të kontrollohet në pjesën e brendshme të motorrit të mjetit.
Sot gjithashtu janë publikuar edhe pamjet nga momenti i atentatit i cili zgjat disa sekonda pasi autorët profesionistë iu afruan mjetit të viktimës qëlluan në drejtim të tij pa u ulur nga makina. Pas ngjarjes ata u larguan me qetësi drejt qendërs ku një orë më vonë u zbulua mjeti i djegur në zonën e Farkës.
28-vjeçari, Klaudio Prendi u ekzekutua në orët e para të mëngjesit të 19 nëntorit. Ai u vra teksa po hipte mjetin e tij kur po largohej nga një lokal në zonën e "Xhamllikut". Sipas raportimeve viktima ka qenë i shoqëruar nga persona të tjerë. Në momentin kur ka dalë nga lokali për të hipur në makinën e tij ai ka qenë i vetëm dhe autorët e kanë shfrytëzuar rastin për të qëlluar drejt tij.
Më tej bëhet me dije se drejt tij është qëlluar me 5 plumba ndërsa arma ka qenë me silenciator. Policia dyshon se në atentat morën pjesë tre persona, një prej tyre ka pasur rolin e shoferit, ndërsa dy të tjerët luanin rolin e qitësit. Zona në të cilën ndodhi atentati është një zonë që survejohet nga kamerat e sigurisë, të cilat do të merren nga grupi hetimor për të bërë të mundur kapjen e autorëve. Një orë pas vrasjes në zonën e Farkës ëdhtë gjetur një mjeti "Audi A4" teksa u raportua se brenda saj nuk u gjet asnjë armë. Gjithashtu mësohet se policia ka shoqëruar disa persona që janë marrë në pyetje në lidhje më këtë ngjarje.
