Vrasja e Martin Canit/ Nëna e Luis Meçes zbulon të tjera detaje: Dikush e goditi dy ditë para ngjarjes, ishte gjakosur te buza...

Martin Cani

TIRANË - Nëna e Luis Meçes, shoku i 14-vjeçarit Martin Cani, i cili humbi jetën pas konfliktit në shkollën 9 vjeçare Fan Noli, ka zbuluar të tjera detaje mbi ngjarjen e rëndë. E ftuar në emisionin Me Zemër të Hapur” në News24, nëna e Luis Meçes ka treguar se ditën e ngjarjes, (të premten) dikush kishte debatuar me Martinin dhe e kishte goditur duke e gjakosur tek buza.

Ajo shtoi se konflikti kishte ndodhur për shkak se autorët kishin bullizuar vëllain e viktimës dhe kishin lënë takim për tu sqaruar. Nëna e Luisit theksoi se djemtë ishin shumë të urtë dhe familjet i kishin edukuar me norma shumë të mira.

”Djali im së bashku me Martinin ishin djem shumë të mire dhe të urtë. Ditën e ngjarjes klinika më lajmëroi se të dy ishin rëndë dhe në gjëndje kritike për jetën. Luisi më kishte thënë që dikush ditën e premte , para ngjarjes e kishte goditur Martinin dhe e kishte gjakosur tek buza.

Konflikti kishte ndodhur për shkak se autorët kishin bullizuar vëllain e Martinit dhe ato kishin shkuar të sqaroheshin. Ai insiston se ditën e ngjarjes ishin dy persona që i goditën, jo një”– përfundoi nëna e Luis Meçes.

martin cani luis mece