Protestuesit janë pozicionuar tek Ministria e Arsimit, pasi qëndruan paqësisht për më shumë se dy orë para kryeministris&eu...
AKTUALITET
Vrasja e Migena Kodrës, flet i ati për herë të parë
PiranjatPërditësimi i fundit 10 Nëntor 2025, 12:33
37 vjeçarja Migena Sinani (Kodra) u vra me thikë në gjumë nga kunati i saj pas debateve të herë pas hershme midis të dy palëve. Autori i krimit Roland Sinani pak minuta pas krimit vrau veten në oborrin e shtëpisë. Ndërkohë bashkëshorti i Migesën punonte gjatë natës si taksist për të siguruar të ardhura të mjaftueshme për familjen, e mori lajmin e kobshëm nga mediat. Ngjarja e rëndë ndodhi në 9 Prill të vitit 2023.
I ati i Migenës, Kasemi, rrëfen se prej më shumë se një viti ai po lufton me ish-dhëndrin, sepse kërkon të kthejë në banesë fëmijët, në të njëjtën banesë ku u vra edhe nëna e tyre. Sipas tij ish-dhëndri ka shfaqur probleme të shëndetit mendor. Nuk ka kontribuar kurrë për fëmijët.
“Ka qenë një periudhë shumë e vështirë.
Nuk u vra as në rrugë as në dysheme, por në dyshek me një fëmijë në gji.
Vajza e vogël ka qenë në një traumë të jashtëzakonshme, qante tërë natën dhe e zinte gjumi vetëm në mëngjes nga lodhja. Në të njëjtën situatë ka qenë edhe djali. Kujdestarinë e morëm ne sepse nuk kujdesej dot për të dy fëmijët, nuk e përballonte dot. Ish dhëndri ka shfaqur të meta mendore. Kur merrte një fëmijë në krah nuk i merrte dot të dy. Për fëmijët nuk ka kontribuar asnjë lek”, tha ai.
Nga ana tjetër mister mbetet e gjithë ngjarja pasi arma e krimit është gjetur larg trupit të kunatit të Migenës, por bashkëshorti i Migenës pohoi asaj kohe se prej një viti nuk ka qenë në orët e natës në shtëpi, pasi ai punon si taksist, turni i tretë. Asaj kohe ai pohoi se nuk ka pasur asnjë konflikt të mëparshëm që mund të krijonte hidhërim deri në këtë pikë.
