Vrasja e policit në derën e shtëpisë/ Sindikata e Policisë së Kosovës: Atentat i drejtpërdrejtë ndaj sigurisë publike, përpjekje për të minuar themelet e shtetit

KOSOVA- Sindikata e Policisë së Kosovës ka reaguar pas lajmit për vrasjen pranë shtëpisë të policit Muhamed Lika. Në reagim thuhet se sindikata dënon atentatin kriminal dhe se ky akt është një atentat i drejtpërdrejtë ndaj sigurisë publike, ligjit dhe vetë shtetit të Kosovës.

Sipas sindikatës, çdo sulm ndaj një zyrtari policor është sulm ndaj Republikës së Kosovës. Në reagim thuhet se policia e Kosovës është shtylla kryesore e rendit dhe sigurisë në vend dhe se prekja e saj është përpjekje për të minuar themelet e shtetit dhe nuk do të tolerohet. 

Sindikata e Policisë së Kosovës pas vrasjes së rreshterit Muhamed Lika:

Sindikata e Policisë së Kosovës dënon atentatin kriminal që i mori jetën kolegut tonë, Rreshter Muhamed Lika. Ky akt i rëndë është një atentat i drejtpërdrejtë ndaj sigurisë publike, ligjit dhe vetë shtetit të Kosovës. Çdo sulm ndaj një zyrtari policor është sulm ndaj Republikës së Kosovës!

Policia e Kosovës është shtylla kryesore e rendit dhe sigurisë në vend. Prekja e saj është përpjekje për të minuar themelet e shtetit tonë dhe nuk do të tolerohet. Sindikata e Policisë së Kosovës kërkon nga të gjithë akterët shtetërorë dhe institucionet e drejtësisë veprime të menjëhershme për zbardhjen e këtij akti kriminal dhe vënien para përgjegjësisë të autorëve.

Ne qëndrojmë të palëkundur në mbështetje të çdo pjesëtari të Policisë së Kosovës dhe nuk do të lejojmë që këto akte të frikësimit të lëkundin përkushtimin tonë ndaj detyrës dhe Republikës. Nder dhe lavdi për sakrificën e Rreshter Muhamed Lika!

Sindikata e Policisë së Kosovës

kosova