Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Zbulohet plantacioni me mbi 8 mijë bimë marijuane në Spanjë/ Dy shqiptarët kapen në flagrancë gjatë "punës", kishin përshtatur zonën përreth për të jetuar
r.llPërditësimi i fundit 18 Tetor 2024, 10:04
pamje nga arrestimi
SPANJË- Autoritetet spanjolle, konkretisht Garda Civile e Kuenkës, në kuadër të operacioni “Shikoni”, ka zbuluar një plantacion marijuanë me më shumë se 8500 bimë narkotike. Si rezultat u arrestuan dy shqiptarë, të moshës 46 dhe 38 vjeç, si autorë të dyshuar të kultivimit të lëndëve narkotike. Hetimet filloi më shumë se dy muaj më parë, kur u ngritën dyshime se persona të panjohur në zonë mund të kultivonin marijuanë.
Pas kryerjes së shërbimeve operacionale në vende të qarkut të Kuenkës, agjentët gjetën në terrene të pjerrëta dhe të vështira për t'u aksesuar, një sipërfaqe prej rreth 4 hektarësh që më parë ishte shpyllëzuar dhe aty ndodhej aktualisht plantacioni i kanabis sativa. Më 7 tetor, një grup nga Garda Civile e përbërë nga afërsisht 25 agjentë, arrestoi në befasi dy shqiptari, teksa po prisnin bimët dhe po i ndanin për procesin e mëvonshëm të tharjes.
Pranë tokës së kultivuar u gjetën disa hapësira, në njërën prej të cilave vendosej çadra ku kalonin natën të arrestuarit, një vend tjetër si kuzhinë dhe dy të tjera si dhoma tharjeje, përveç gjithë infrastrukturës së nevojshme për kultivim, duke përfshirë dy pellgje uji të lidhura me lumin Ojos de Moya përmes tubave dhe gjeneratorëve elektrikë, shkruajnë mediat spanjolle.
Të arrestuarit e përdornin infrastrukturën si për kultivim ashtu edhe për jetën e tyre të përditshme, duke shmangur kështu nevojën për të udhëtuar, duke minimizuar edhe rrezikun për t'u zbuluar.
Vendi i zgjedhur nga grupi kriminal për të kultivuar marijuanë ishte në një zonë të vështirë për t'u aksesuar, duke vështirësuar punën hetimore të agjentëve policorë. Në këtë lokacion janë gjetur disa bombola butani në zonën e ngritur si kuzhinë, të cilat shkaktonin pasoja të rënda në mjedis.
