Detaje të reja kanë dalë në dritë nga ngjarja e rëndë e regjistruar mbrëmjen e 20 tetorit në zonën e Komun&e...
AKTUALITET
“Zjarrfikësja na tha s’kemi shofer!”, banorët flasin për zjarrin në Spitallë
PiranjatPërditësimi i fundit 19 Shtator 2025, 20:08
Një zjarr i përmasave të mëdha përfshiu pasditen e sotme një garazh makinash në Spitallë të Durrësit, ku për pasojë disa automjete u shkrumbuan. Asgjë nuk dihet për shkaqet e zjarrit, nëse ka qenë diçka aksidentale apo një ngjarje e paramenduar. Megjithatë banorë të zonës kanë treguar për redaksinë tonë se zjarrfikësja ka mbërritur me vonesë.
Fillimisht ata njoftuan policinë, e cila nuk i hapte telefonin: “Unë kam marrë në telefon Policinë e Shtetit dhe nuk mu përgjigj. Pas disa telefonatash më në fund e hapën dhe më lanë në pritje nuk më përgjigjej asnjë. Në fund më thanë që janë Policia dhe duhet të marrësh zjarrfikësen,” shprehet një dëshmitar.
Më flakët që po kalonin nga njëra makinë te tjetra, qytetarët njoftuan zjarrfikësen e cila u vonua për shkak se mungonte shoferi dhe kishte shumë trafik.
“Zjarrfikësja erdhi me vonesë me justifikimin se nuk kishin shofer dhe kishte trafik. Makinat u dogjën se unë kam pamje. Por mund të kishte njerëz brenda makinave, e do digjeshin gjallë për zjarrfikësit tonë,” shton denoncuesi.
Njoftimi:
Durrës/Informacion paraprak
Në lagjen nr. 15, Durrës, dyshohet se si pasojë e një defekti në motor, ka rënë zjarr në një kamionçinë të parkuar, në pronësi të shtetasit N. Ç.
Për pasojë, është djegur edhe automjeti në pronësi të shtetasit R. M., si dhe pjesërisht automjeti në pronësi të shtetasit O. Ç.
Grupi hetimor ndodhet në vendngjarje dhe po punon për sqarimin e plotë të rrethanave të rastit.
