Një aksident me tre automjete është regjistruar në Lushnjë, në rrugën që të çon drejt stadiumit, pranë...
BOTA
Atentat në Meksikë, ekzekutohet një nga trafikantët më të kërkuar të drogës në Evropë
M.B.Përditësimi i fundit 4 Nëntor 2024, 18:22
Marco Ebben
MEKSIKA- Trafikanti i dënuar i drogës Marco Ebben nga Schiedam është ekzekutuar në Meksikë. Holandezi 32-vjeçar dyshohet se u qëllua për vdekje në një shkëmbim zjarri mes karteleve rivale.
Reperi nga Amsterdami Djaga Djaga, i cili aktualisht po vuan një dënim me 18 vjet burg për vrasje, konfirmoi vdekjen e Ebben në Instagram.
“U prehsh në paqe luftëtar, Marco Ebben”, shkroi ai.
Ebben ka qenë në listën e kriminelëve të kërkuar të Europol për disa kohë. Ai ende duhej të vuante një dënim me burg në Holandë për rolin e tij në çështjen e trafikut të drogës që përfshin doganierin e korruptuar Gerrit G. Në tetor 2020, gjykata e dënoi Ebben me 7 vjet e 4 muaj burg për trafik droge nga Brazili në Holandë.
Kush është Marco Ebben?
Marco Ebben u dënua me 7 vjet burg në vitin 2020 për përfshirjen e tij në trafikun e kokainës. Ai ka qenë dhe është ende në listën e të arratisurve më të kërkuar të Europolit vitin e kaluar.
Ai është djali i trafikantit kriminel famëkeq holandez Henk Ebben. Marco ende duhej ta përfundonte dënimin në Holandë.
Marco Ebben ka lindur në vitin 1992 dhe në atë kohë, babai i tij Henk ishte pjesë e një bande të madhe droge që e quanin veten “Rainforest”. Thuhej se banda e drogës ishte e përfshirë në kontrabandën e hashashit, ekstazisë dhe drogave etë tjera në Angli. Lënda narkotike u transportua në kamionë, e fshehur në bluza të rreme “Ralph Lauren” dhe pluhur larës rus. Henk dyshohej gjithashtu se kishte urdhëruar vdekjen e disa personave.
Henk ka qenë i lidhur me pesë vrasje dhe është dënuar me burgim të përjetshëm, por në apel dënimi u ul në 18 vjet. Ai kaloi vetëm pesë vjet në një burg të sigurisë së lartë.
Në intervistën e tij me median holandeze Rijnmond në fillim të këtij viti, Marco Ebben pretendon se është në gjendje të jetojë stilin e jetës së tij luksoze dhe të udhëtojë nëpër botë falë pasurisë së vjehërrve të tij.
“Kam një vjehërr shumë të pasur, si në Rusi ashtu edhe në Itali. Ata janë pjesë e qeverisë dhe unë bëj punën time brenda atyre familjeve. Le ta lëmë me kaq. Nuk do të them më shumë…”
